Month: June 2021

Kisveja apo mbulesa që e mbulon Qabenë në Mekë pritet të ndërrohet dhe të ngritët sonte pas namazit të Jacisë njoftojnë autoritetet zyrtare.

Ndërrimi i mbulesës së Qabesë është një ceremoni tradicionale që bëhet çdo vit e që më ndërrimin e saj simbolizohet edhe fillimi i sezonit të haxhit. Kisveja është një mbulesë nga mëndafshi e që përfshin në të vargje nga Kurani të qëndisura me fije ari. Në të shkruhen ajete Kuranore rreth haxhit dhe pjesë të ndryshme nga Kurani Fisnik.

Por pse ngritët mbulesa çdo vit?

Çdo vit mbulesa e Qabesë ngritët dhe vendoset një pëlhurë e bardhë që simbolizon Ihramin (veshjen e haxhilerëve). Mbulesa ngritët 3 metra lart për të parandaluar dëmtimin e saj për shkak të turmave të mëdha që mblidhen gjatë sezonit të haxhit dhe bëhet e vështirë për të kontrolluar turmat. Po ashtu ngritët lart për të parandaluar besëtytnitë tek disa pelegrinë që tentojnë të prenë copë nga ajo me besimin që ato copa të mbulesës mund të iu sjellin fat apo përfitime shpirtërore dhe se disa njerëz shkruajnë emrat ose lutjet e tyre në mbulesë.

Pse vendoset pëlhura e bardhë rreth Qabesë?

Pëlhura e bardhë vendoset për të simbolizuar fillimin e sezonit të haxhit. Në të kaluarën mbulesa ngrihej duke zbuluar pëlhurën e bardhë nën të mirëpo viteve të fundit vendoset një pëlhure e veçantë.

Pse nuk u ngrit mbulesa me 15 Dhul Kade?

Ngritja e mbulesës së Qabesë zhvillohet çdo vit në ose një ditë para datës 15 të muajit hënor, sepse pas kësaj date fluksi i haxhilerëve rritet dhe turmat e mëdha e bëjnë të vështirë ceremoninë e ndërrimit të mbulesës. Mirëpo ketë vit për shkak të kufizimeve në numrin e haxhilereve e që pritet të marrin pjesë vetëm 60,000 prej tyre turmat janë të menaxhuara lehtë dhe nuk pengojnë në ndërrimin e mbulesës së Qabesë. /mesazhi.com

Ndërron jetë ilahisti i njohur shqiptar – Ylber Aliu

Lajmin e kanë konfirmuar familja dhe kolegët e tij nëpër mjetë postimeve në facebook.

Postimi i Adem Ramadanit:

Të Allahut jemi dhe tek Ai të gjithë do të kthehemi ‼️😢😢😢

Si fëmi shumë jemi dashtë.

E sa herë kemi qenë bashkë, në shumë simpoziume, koncerte, emisione dhe pothuajse shumë të rralla janë projektet e mia ku ti nuk ke marr pjesë. Ti ke qenë një talent i rrallë, artist i madh dhe besimtar i vërtetë. E duke qajt dert për sëmundjen tënde e kujtoj fjalën ku shpesh ma thoje – “ Allahu më ka dhënë shumë sabër “ – Do t’më mungosh shumë Ylber😢😢😢❤️❤️❤️– Lus Allahun e Madh që bashkë të jemi në Xhenetet e Tij të larta, atje ku më nuk ka sëmundje, nuk ka lot, as dhimbje e as vdekje. Ngushllimet më të përzemërta Familjes Aliu, ngushllime gjithë shqiptarëve.

Ylber Aliu, në vitin 2018 është operuar në Turqi për transplatimin e veshkës, të cilën ja dhuroi nëna e tij.

Stafi i Rtv Pendimit shpreh ngushllime për familjën Aliu, të ndjerit Allahu i falt Xhenetin. /Rtv Pendimi/

Sekretari i përgjithshëm i Kombeve të Bashkuara (OKB), Antonio Guterres, ka kërkuar nga autoritetet izraelite t’u japin fund shkatërrimeve të vazhdueshme të pronave palestineze në Kudsin Lindor të pushtuar, transmeton Anadolu Agency (AA).

Zëdhënësi i sekretarit të përgjithshëm të OKB-së, Stephane Dujarric, gazetarëve në selinë e OKB-së në Neë York u tha se Guterres “është me të vërtet thellësisht i shqetësuar nga shkatërrimet e vazhdueshme”.

“Ai, edhe një herë, përsëriti thirrjen për autoritetet izraelite që t’i japin fund shkatërrimeve dhe dëbimeve, në përputhje me detyrimet e Izraelit sipas ligjit ndërkombëtar humanitar dhe ndërkombëtar për të drejtat e njeriut”, tha Dujarric.

Thirrja vjen një ditë pasi forcat izraelite shkatërruan një dyqan dhe një apartament në lagjen Silwan të Kudsit Lindor.

Autoritetet izraelite cituan një mungesë të lejeve të ndërtimit për shkatërrimin e dy strukturave në lagjet al-Bustan dhe al-Suwayeh.

Shkatërrimet kanë shkaktuar përplasje midis palestinezëve të zemëruar dhe policisë izraelite, e cila përdori gaz lotsjellës dhe plumba gome për të shpërndarë protestuesit.

Gjysmëhëna e Kuqe Palestineze tha se 13 mjekë u plagosën gjatë dhunës.

Palestinezët akuzojnë Izraelin për ndjekjen e një politike të shkatërrimit të shtëpive në lagjen Silwan, në jug të kompleksit të xhamisë Al-Aksa, në një përpjekje për të dëbuar banorët arabë në preferencë për kolonët izraelitë.

Në një intervistë për AA, drejtori i Qendrës ‘Wadi Hilweh’, Jawad Siam, paralajmëroi se “rreth 8 mijë njerëz janë në rrezik të dëbimit direkt ose indirekt nga lagja Silwan ose përmes shkatërrimit të shtëpive të tyre ose përmes projekteve të vendosjes”.

Kryetari i Bashkësisë Islame të Kosovës, Myftiu Naim ef. Tërnava sot ka nisur një vizitë zyrtare me ftesë të ministrit për vakëfe dhe çështje fetare – Gaith Al Kawari, në kryeqytetin e Katarit, Doha.

Në takim me ministrin Al Kawari, Myftiu Tërnava edhe kësaj radhe falënderoi qeverinë dhe popullin e Katarit për përkrahjen dhe ndihmën që i kanë dhënë Kosovës dhe popullit të saj gjatë dekadave të fundit. Më pas Myftiu e njohu ministrin me projektet dhe sfidat që ka Bashkësia Islame e Kosovës, duke veçuar vështirësitë që kishe Kosova në përgjithësi e BIRK-u në veçanti gjatë ballafaqimit më pandeminë globale COVID-19. Në këtë vazhdë Myftiu Tërnava falënderoi Qeverinë e Katarit për ndihmat e ofruara Kosovës gjatë pandemisë.

Myftiu Tërnava dhe ministri Al Kawari biseduan për mundësinë e financimit të projekteve të BIRK-ut që kanë të bëjnë me vakëfet dhe projektet që i përkasin rregullimit të infrastrukturës së BIRK-ut.

Kurse Ministri për vakëfe dhe çështje fetare – Gaith Al Kawar, falënderoi Myftiun Tërnava për vizitën dhe çmoi kontributin e Myftit Tërnava që në Kosovë të ketë paqe, tolerancë e harmoni ndërfetare dhe po ashtu shfaqi interesimin e tij që Ministria e Vakëfeve e Katarit në të ardhmen do të rris bashkëpunimin me Bashkësinë Islame të Kosovës.

Presidenti Recep Tayyip Erdogan njoftoi të hënën qëllimin e Turqisë për të dërguar në hapësirë satelitin e ri turk “Turksat 6A” vitin e ardhshëm.

Kjo deklaratë e kreut të shtetit turk erdhi gjatë ceremonisë së vënies në shërbim të satelitit “Turksat 5A” në kompleksin e Turksat-it, në rrethin Golbasi të Ankarasë.

“Ne kemi prodhuar satelitin tonë «Turksat 6A» dhe po planifikojmë që ta lëshojmë në hapësirë këtë satelit, i cili është në fazën e testimit, vitin e ardhshëm. Kështu, Turqia do të renditet në mesin e 10 vendeve që mund të prodhojnë satelitë komunikimi në botë”, u shpreh ai gjatë fjalës së rastit në ceremoni.

“Aktualisht po vazhdojnë testet e satelitit tonë «Turksat 5B», fazat e projektimit dhe prodhimit të së cilit kanë përfunduar me sukses. Objektivi ynë është që ta dërgojmë këtë satelit në hapësirë në tremujorin e fundit të vitit. Kapaciteti i ngarkesës së dobishme do të jetë më shumë sesa të gjithë satelitët e derisotshëm dhe kapaciteti ynë i komunikimit të të dhënave do të jetë 15 herë më i lartë me funksionalizim e «Turksat 5B»”, vijoi Presidenti Erdogan.

Lideri turk bëri me dije gjithashtu se brenda një kohe të shkurtër do të ndajnë me opinionin publik edhe hulumtimet strategjike që do të mbështesin inovacionin e bazuar në të dhëna, do të zhvillojnë aftësinë e prodhimit të teknologjive kombëtare dhe nxisin progresin në inteligjencën artificiale.

“Me vetëdijen që kërcënimet kryesore do të vijnë gjithashtu nga hapësira kibernetike, ne do të ndërtojmë një mekanizëm të fuqishëm të mbrojtjes kibernetike”, theksoi Erdogani mes të tjerash.

Shefi i Shtabit të Përgjithshëm të Turqisë, gjeneral Yaşar Güler, ka zhvilluar një bisedë telefonike me homologun e tij shqiptar, gjeneral Bajram Begaj, transmeton Anadolu Agency (AA).

Sipas një njoftimi të lëshuar nga Forcat e Armatosura Turke (TSK), Güler dhe Begaj shkëmbyen mendime mbi zhvillimet aktuale.