test.disidenti.net

Author: KushtrimGuraj

  • Turqia vazhdon përgatitjet për ndërtimin e spitalit në Fier

    Autoritetet e Turqisë dhe Shqipërisë kanë nisur përgatitjet për të realizuar projektin e spitalit që do të ndërtohet nga shteti turk në Fier, transmeton Anadolu Agency(AA).

    Kryeministri i Shqipërisë, Edi Rama, ambasadori i Turqisë në Tiranë, Murat Ahmet Yörük, ministrja e Shëndetësisë dhe Mbrojtjes Sociale e Shqipërisë, Ogerta Manastirliu, kryetari i delegacionit të Ministrisë turke të Shëndetësisë, Arif Çetin, përfaqësuesi i kompanisë YDA Group që do të realizojë punimet, Hüseyin Arslan dhe zyrtarë të tjerë, kanë vizituar vendin ku është planifikuar të ndërtohet spitali rajonal i Fierit.

    Duke publikuar videon nga vizita në rrjetet sociale, kryeministra Rama tha se “sfida është shumë e madhe”.

    “Me kompaninë turke që do të ndërtojë spitalin e ri rajonal brenda 3 muajsh, e cila do të angazhojë 1.200 punëtorë me 3 turne në 7 ditë të javës”, shkroi Rama.

    Duke iu drejtuar përfaqësuesve të kompanisë, Rama tha se, “Ju jeni ndër ata që ka reputacionin e madh për zhvillimin e projekteve shumë sfiduese. Tani ne jemi këtu në dispozicionin tuaj, çdo gjë do të jetë si e kërkoni ju. Me mbështetje të plotë. Plani që keni ju parashikon që shumë njerëz të punojnë këtu, prandaj mirësevini dhe ambasadori nga ana juaj dhe ne nga ana jonë do të japim mbështetje të plotë.”

    Ndërsa përfaqësuesi i YDA Group, Hüseyin Arslan, në lidhje me projektin tha se do të bëjnë më të mirën.

    “Ne si grup, morëm urdhër nga Presidenti ynë, Recep Tayyip Erdoğan, javën e kaluar gjatë vizitës së Kryeministrit të nderuar në Turqi, na instruktuan të finalizojmë. Duhet të dorëzojmë spitalin pas 3 muajsh, ka një bast të madh mbi këtë gjë, e dimë që është një sfidë e madhe, dhe faleminderit për mbështetjen që na dhanë që nga dita e parë”, theksoi Arslan.

    Ai u shpreh se shpresojnë që të jetë një investim shumë i mirë për infrastrukturën e shëndetësisë shqiptare.

    “E dimë rëndësinë e marrëdhënieve mes Shqipërisë dhe Turqisë. Jemi vëllezër dhe jemi shumë të nderuar për ndërmarrjen e një projekti të tillë kaq sfidues”, tha Arslan.

    Kujtojmë se ndërtimin e një spitali në Shqipëri e premtoi presidenti i Turqisë, Recep Tayyip Erdoğan, gjatë vizitës së kryeministrit Rama në Turqi.

  • OPERACIONI I NJË HAFËZI TË KURANIT

    OPERACIONI I NJË HAFËZI TË KURANIT

    Një mjek nga Kajro i ishte betuar Dr. Muhamed Hasanit duke i thënë:
    Shejh Muhamed, gjëja më e çuditshme që kam parë në jetën time është rasti i një hafëzit të Kuranit, i cili erdhi në spital për t’u operuar. Ai i kishte tejkaluar të gjashtëdhjetat, mjekra e tij ishte e thinjur, kurse fytyra i ndriçonte dhe i shkëlqente. Kur i veshi rrobat e operimit, filloi të qajë dhe i thashë:
    “Pse po qan? Ti je hafëz i Kuranit, fytyra jote po shkëlqen, ti je imami ynë.”
    “O biri im, pasha Allahun, unë nuk qaj nga frika e vdekjes apo nga frika e operacionit”, më tha ai.
    “SubhanAllah! Po pse po qan?” i thashë unë.
    “U interesova se sa do të zgjasë operimi dhe më thanë se ka mundësi të zgjatë më shumë se katër orë.”
    “Po. Ka mundësi të zgjatë katër, pesë apo gjashtë orë.”
    “Falënderimi i takon Allahut!”, tha plaku.
    “A je i frikësuar?” e pyeta unë, kurse ai e mohoi këtë.
    “Mirë, atëherë përse po qan?”
    “Pasha Allahun, po qaj se sot nuk do të mundem ta lexoj pjesën e Kuranit që e kam të caktuar”, u përgjigj ai.
    “Sa lexon nga Kurani brenda ditës?” i thashë.
    “Allahu është meritor që unë e përfundoj leximin e Kuranit në çdo tre ditë. Pra, unë në ditë lexoj nga dhjetë xhuza. Mirëpo, tash po frikësohem se nuk do të mundem të lexoj aq sa e kam të paraparë për të lexuar.”
    Me të vërtetë u ndjeva i turpëruar dhe i nënçmuar nga kjo ngjarje. Njeriu frikësohet se do t’i ikë leximi i Kuranit edhe duke u operuar. Unë megjithëse jam i shëndoshë, ka mundësi të kalojnë dy javë apo një muaj pa lexuar një ajet nga Libri i Allahut. Ndërkohë, plaku më shikoi dhe më tha:
    “O biri im, dëshiroj t’i falë dy rekatë namaz dhe kur të më vendosni në vendin ku do të më operoni, ju lutem të më lini një orë të plotë që ta lexoj pjesën e caktuar të Kuranit. Pasi të kalojë një orë, le të vijë mjeku dhe le të më japin anestezion. E lus Allahun që të na jep sukses në këtë operacion.”
    Kështu, e vendosëm në sallën e operimit dhe e lamë të rrijë një orë. Pasi lexoi Kuran, mjeku ia dha anestezionin dhe ai e humbi vetëdijen. Mjekët tjerë iu afruan për ta operuar, kurse ai, gjatë tërë kohës që e operonin, lexonte Kuran me zë të lartë. Pasha Allahun, nuk u ndalte së lexuari Librin e Allahut, edhe pse nuk ishte në vetëdije.

    Nga arabishtja: Irfan JAHIU

  • “Frymëmarrja e duhur është e dobishme për shëndetin fizik dhe mendor”

    Profesoresha e Fakultetit të Studimeve Mjekësore në Universitetin Trakya në Turqi, Dr. Gülnur Öztürk theksoi se frymëmarrja e duhur është e dobishme për shëndetin në aspektin fizik dhe psikologjik, raporton Anadolu Agency (AA).

    Dr. Öztürk në një konferencë të mbajtur online, tha se sistemi nervor simpatik dhe parasimpatik aktivizohet gjatë frymëmarrjes, ndërsa pulsi rritet gjatë thithjes dhe dobësohet dhe ngadalësohet gjatë nxjerrjes.

    Ajo theksoi se sistemi parasimpatik ka një efekt të rëndësishëm në nervin vagus, duke shtuar se nervi vagus është shumë i rëndësishëm për të gjithë sistemin qendror nervor dhe trupin e njeriut në tërësi, duke pasur parasysh funksionin e tij.

    Ajo sqaroi se ky nerv është vëzhguesi më i rëndësishëm i sistemit trupor dhe strukturës që transmeton në tru gjithçka që ndodh në trup.

    Dr. Öztürk theksoi se sistemi parasimpatik aktivizohet dhe ka një efekt pozitiv në trup kur nxjerrja e frymës zgjat një kohë të gjatë, duke theksuar se frymëmarrja e duhur mund të ndryshojë patjetër jetën për mirë.

    “Studimet kanë treguar se gjashtë frymëmarrje në minutë kanë efekte shumë pozitive në shëndet, si në shëndetin mendor ashtu edhe në atë fizik. Është shumë e rëndësishme që nxjerrja të zgjasë më shumë sesa marrja frymë dhe që fokusi kryesor i frymëmarrjes të zhvendoset nga barku në gjoks”, tha Öztürk.

    Ajo theksoi se po ashtu është shumë e rëndësishme t’i kushtohet vëmendje frymëmarrjes natyrale.

    “Organi ynë i frymëmarrjes është hunda. Me rëndësi të veçantë dhe shëndetshëm është frymëmarrja përmes hundës, thithja dhe nxjerrja përmes hundës. Nëse dikush ka një problem me sinusët, ai duhet të marrë frymë thellë për ta kapërcyer atë”, tha ajo, duke shtuar:

    “Pra, kontrolli i frymëmarrjes do të thotë të fitoni kontrollin e sistemit tonë nervor. Kontrolli i trurit arrihet me kontrollin e frymëmarrjes. Ritmi i trurit gjithashtu ndryshon kur ndryshon ritmi i frymëmarrjes”, tha Öztürk.

  • Aplikacioni i Rtv Pendimit së shpejti me një dizajn të ri

    Aplikacioni i Rtv Pendimit së shpejti me një dizajn të ri

    Aplikacioni i Rtv Pendimit, shërbimi përmes të cilit vizitorët kanë mundësi të dëgjojnë radio të shikojnë tv dhe të informohen për emisionet dhe shumë çka tjetër është pranë një ridizajnimi masiv.

    Disa imazhe tregojnë një ndërfaqe terësisht të re e cila ofron navigim më të lehtë dhe animacione të reja.

    Na ndajnë vetëm disa ditë nga ky përditësim madhor. Nga pamjet e paraqitura nga dizajnerat e aplikacionit shohim se do të këtë ndryshime dhe disa funksione te reja. Do të mërrni njofime të një pas njëshme, për informacionet e reja që do të vinë gjatë ditës.

    Do të informohuni për emisione dhe do të keni mundësi të reklamoni.

    Mos harroni të përditsoni aplikacionin me vërsionin e fundit.

  • Kuvendi i jep FSK-së dritën jeshile për misione ndërkombëtare

    Me 92 vota për, asnjë kundër dhe asnjë abstenim, deputetët e Kuvendit të Kosovës, kanë miratuar Propozim-Vendimin e Qeverisë për dërgimin e Kontingjentit të Forcës së Sigurisë së Kosovës jashtë vendit.

    Të gjitha grupet parlamentare fillimisht u shprehen pro këtij vendimi teksa kërkuan nga Qeveria e Kosovës që të rrisë buxhetin dhe përkrahjen për FSK-në.

  • LUTJA NË QABE U BË SHKAK SHËRIMI

    Dr. Muhamed Hasani rrëfen dhe thotë:

    Para se të filloja ligjëratën time në Mekë, m’u afrua një njeri dhe më tha:

                “Shejh Muhamed Hasan, të betohem në Allahun, mos e thuaj asnjë fjalë para se të më dëgjosh!”

                “Urdhëro, o prindi im! Ulu afër meje!”, i thashë.

                Ai u ul pranë meje. Në pamje dukej një njeri i thjeshtë, tregtar. Allahu ia kishte hapur dyert e furnizimit dhe tregtisë, mirëpo ankohej nga një sëmundje e rëndë: ishte paralizuar plotësisht.

    “Kam udhëtuar në Londër për t’u kuruar, mirëpo nuk ishte caktimi i Allahut që të shërohem atje. Po ashtu, kam qenë edhe në Francë dhe në Amerikë, por nuk u shërova dot”, më thoshte ai. “Një ditë prej ditësh, i ulur para televizorit e pashë transmetimin e drejtpërdrejtë të namazit nga Qabeja dhe fillova të qaj. Pastaj, u thashë fëmijëve të mi që dëshiroj të udhëtoj te Sunduesi i shtëpisë së Tij. Ndërsa ato se kishin të qartë se te sunduesi i cilës shtëpi doja të udhëtoja. Unë u thashë që doja të udhëtoj te Mbreti i Sundimtarëve dhe se isha i bindur që Ai nuk do të më kthente të zhgënjyer. U thashë që doja të shkoj në Umre, kurse ato më thanë se nuk mund të lëviz. Prandaj, u thashë që ta marrin me qira një aeroplan privat.” Vazhdon njeriu të rrëfejë. “Kryesorja, ma plotësuan dëshirën dhe erdha në Meke. Kur erdha këtu, u thashë që të ma afrojnë karrigen time afër Qabesë dhe të më lënë të vetëm. Pastaj, fillova ta lus Allahun me disa fjalë, që i përsërita një orë të plotë, pa shtuar diçka tjetër. Gjatë lutjes time thosha: “O Zoti im, unë nuk do të dal nga Shtëpia Jote vetëm se duke ecur apo duke më përcjellë për në varr!” Kështu, bërtita një orë të plotë. Në fund, u lodha dhe më zuri gjumi. Duke fjetur, më erdhi një zë që më thoshte: “Ngrihu dhe ec! Ngrihu dhe ec! Ngrihu dhe ec!” dhe më doli gjumi. Pasi u zgjova, përsëri më erdhi një zë që thoshte të ngrihem. Kështu, unë u ngrita dhe eca. Pasi i bëra disa hapa, m’u kujtua se unë isha i paralizuar dhe, nga gëzimi i madh, bërtita e thashë: “O Zot, o Sundues, pasha Ty, nuk u zhgënjeva nga mbështetja në Ty dhe që çështjen time ta lash të ma zgjidhësh vetëm Ti.””

    Nga arabishtja: Irfan JAHIU

  • Sallatë Cezar

    Mënyrat për të përgatitur sallatë cezar janë nga më të larmishmet. Kjo mund të përdoret si meze në dreka dhe darka familjare. Përgatiteni salcën për cesar disa orë më parë kështu shija është akoma më e fortë dhe sallata akoma më e shijshme.

    Përbërësit:

    ▪ 200 gr fileta pule
    ▪ 1 fetë buke të thekur
    ▪ Sallatë e gjelbër
    ▪ 50 gr djathë Parmigiano në copa të vogla
    ▪ 5-6 domate qershi sipas dëshirës

    Përbërësit për salcën:

    ▪ 100 ml majonezë
    ▪ 40 ml qumësht
    ▪ 40 gr parmigiano i grirë
    ▪ 1 lugë gjelle mustardë
    ▪ 2 lugë gjelle lëng limoni
    ▪ 1 thelbi hudhër

    Përgatitja:

    Përbërësit e salcës i fusim të gjithë bashkë në mikser dhe i përziejmë deri sa të bëhet një masë homogjene në formë salce.

    Filetat e pulës i presim në kubikë të vegjël dhe e skuqim me pak vaj ulliri, kripë dhe piper.

    Bukën e thekur e presim në kubikë gjithashtu dhe e hedhim bashkë me filetat e pulës  sipër sallatës së gjelbër dhe djathit në copa.

    Në fund shtojmë salcën sipas dëshirës.

  • Mbi 20 mijë të evakuuar në Malajzi për shkak të përmbytjeve

    Mbi 20.000 persona janë evakuuar në mbarë Malajzinë për shkak të përmbytjeve të shkaktuar nga shirat munson, transmeton Anadolu Agency (AA).

    Sipas njoftimit të Njësisë për Mirëqenie Sociale, për shkak të shirave monsun që nga 1 janari në shtetet Pahang, Johor, Kelantan, Terengganu, Selangor dhe Perak janë evakuuar 20.838 në vende të sigurta.

    Ndërkohë zyrtarët kanë bërë të ditur se deri më tani kanë humbur jetën 3 persona si pasojë e përmbytjeve.

    Nga Meteorologjia njoftojnë shirat monsun do të arrijnë në ishullin Borneo në lindje të vendit, duke paralajmëruar shtetin Sabah për mot të keq.

  • Papunësia në Kosovë arrin në 24.6 për qind, thellohet numri i femrave të larguara nga puna

    Shkalla e papunësisë për tremujorin e tretë 2020 në Kosovë ishte 24.6 për qind, ku më e theksuar ishte te femrat me 33.1 për qind, krahasuar me meshkujt që ishte 21.5 për qind.

    Kështu thuhet në Anketën e Fuqisë Punëtore të prezantuar nga Agjencia e Statistikave të Kosovës, duke shtuar se shkalla e punësimit ishte 30.1, punësimi me i lartë ishte te meshkujt me 46.2 për qind, kurse te femrat 14.4 për qind.

    Sipas raportit, përcjell Telegrafi, femrat janë të punësuara, kryesisht në sektorët e arsimit, tregtisë dhe kujdesit shëndetësor me 49.7 për qind, ndërsa meshkujt janë kryesisht të punësuar në sektorët e tregtisë, ndërtimtarisë dhe prodhimit me 46.5 për qind.

    Sektorët e ekonomisë, që prijnë me punësim, vazhdojnë të jenë tregtia me 17.2 për qind, ndërtimtaria me 13.3 për qind, prodhimi me 11.3 për qind, si dhe arsimi me 9.1 për qind.

    Indikatorët kryesorë të tregut të punës | Burimi: ASK

    Sa i përket të të punësuarve me kontrata, del se 42.1 për qind e personave të punësuar kanë kontratë të përhershme në punën e tyre kryesore.

    Fuqia joaktive ishte mjaft e lartë, me 60 për qind me fokus të veçantë te femrat me 78.5 për qind krahasuar me meshkujt me 41.1 për qind.

    Në anketën e fundit të “Pulsit Publik” të Programit për Zhvillim i Kombeve të Bashkuara (UNDP), papunësia llogaritet si njëri problemet me të cilat ballafaqohet Kosova.

    “Një përqindje e madhe e të anketuarve vazhdojnë të identifikojnë papunësinë, korrupsionin dhe varfërinë si tre problemet themelore me të cilat përballet aktualisht Kosova. Problemi më i madh për 37.2 për qind të të anketuarve është papunësia, e ndjekur nga korrupsioni me 23.5 për qind dhe varfëria me 15.3 për qind”, thuhet në raport, shkruan Telegrafi.

    Po ashtu, Instituti për Studime të Avancuara GAP thotë se pandemia COVID-19 ka lënë mbi 37 mijë qytetarë të Kosovës të papunë.

    GAP thotë se vetëm në muajin prill janë regjistruar gjithsej 32,377 punëkërkues të rinj, duke bërë që numri i përgjithshëm i punëkërkuesve në Agjencinë e Punësimit të shkojë në 37,392 në katër muajt e parë të vitit 2020.

    Një pjesë e madhe e tyre apo 16,820 janë gra. Marrë parasysh pjesëmarrjen shumë të ulët të aktivitetit ekonomik të grave dhe barrierat tjera në punësim, shkalla e papunësisë në mesin e grave mund të rritet edhe më shumë.

    “Të dhënat nga Administrata Tatimore e Kosovës tregojnë se industritë të cilat punësojnë më së shumti punëtorë në Kosovë – ajo e tregtisë me shumicë e pakicë, e ndërtimtarisë dhe industrisë përpunuese, shënuan rënie të madhe të punëtorëve gjatë periudhës janar-mars 2020. Përderisa në mars të vitit 2019 në industrinë e tregtisë me shumicë e pakicë punonin rreth 80 mijë persona, në mars 2020 ky numër ra në rreth 43 mijë. Edhe numri i kontributpaguesve në Fondin Pensional të Kosovës (Trust) ka shënuar ulje prej rreth 20 përqind në shumicën e komunave të Kosovës”, thuhet në raportin e GAP, përcjell Telegrafi. /Telegrafi/

  • Një i ri turk me autizëm ka memorizuar Kur’anin dhe e di kuptimin e tij në 6 gjuhë

    Një i ri turk me autizëm ka memorizuar Kur’anin dhe e di kuptimin e tij në 6 gjuhë

    Një i ri turk me autizëm ka memorizuar Kur’anin dhe e di kuptimin e tij në 6 gjuhë
    Ai është Ozan Mamish, një 17-vjeçar autik.
    Gjyshja e tij zbuloi interesin e tij për Kur’anin në moshën 5 vjeç, kur ajo ishte duke lexuar Kur’an.
    Ai tani është një recitues i Kuranit dhe mund të thotë kuptimin e tij në gjuhët turke, frënge, angleze, urdu, gjermane dhe ruse.