test.disidenti.net

Author: KushtrimGuraj

  • Një xhami në Gjermani sulmohet dy herë brenda dy javësh

    Një xhami në qytetin jugperëndimor gjerman Baden-Wurttemberg sot u sulmua për herë të dytë brenda dy javësh, raporton Anadolu Agency (AA).

    Në orët e para të ditës së Vitit të Ri, Xhamia Fatih në qytetin Sontheim u sulmua ku u shkaktuan dëme materiale, tha Ali Ozdemir, kryetari i fondacionit të xhamisë.

    Ai tha se në xhami u thyen dritarja dhe një bankë prej druri jashtë xhamisë, e cila drejtohet nga Unioni Turko-Islam për Çështje Fetare (DITIB).

    “Në dy javët e fundit, ky ka qenë sulmi i dytë ndaj xhamisë sonë,” tha Ozdemir, duke shtuar se komuniteti i xhamisë dhe anëtarët e fondacionit janë të shqetësuar.

    Ai tha se informacioni është ndarë me policinë dhe është nisur një hetim mbi incidentin.

    Më herët në një akt tjetër vandalizmi, një kryq u vizatua në murin e xhamisë.

  • I VARFËRI DHE DYQANXHIU

    Një familje e varfër dy-anëtarëshe banonte në një qytet. Gruaja prodhonte gjalpë, ndërsa burri e shiste atë në një nga dyqanet e qytetit. Ajo ia jepte gjalpit formën e topit, kurse pesha e tij ishte një kilogram. Me çmimin që e shiste, burri blinte gjërat e nevojshme shtëpiake.

    Një ditë prej ditëve, pronari i dyqanit filloi të dyshojë në peshën e gjalpit. Kështu, filloi ta vlerësojë peshën e secilit top të gjalpit dhe, në fund, e vërtetoi se çdo top peshonte 900 gram e jo një kilogram. Prandaj, u zemërua shumë me njeriun e varfër.

    Të nesërmen, kur erdhi njeriu i varfër, pronari i dyqanit e priti me fytyrë të mërrolur. I zemëruar me të shumë, i tha:

    – Unë më nuk do të blej nga ti gjalpë. Ti e shet gjalpin sikur të jetë një kilogram, e në fakt ajo është e mangët për njëqind gram! Ti je rrenacak dhe tradhtar!

    I varfëri kur i dëgjoi këto fjalë, u mërzit shumë, e uli kokën dhe tha:

    – I nderuar, ne nuk posedojmë kandar. Kështu, unë nga ti bleva një kilogram sheqer dhe atë e bëra si peshore për ta llogaritur gjalpin!

    Lexues të nderuar, jini plotësisht të bindur se kandari juaj është peshorja në të cilën do të llogariten veprat tuaja!

    Nga arabishtja: Irfan JAHIU

  • Ka ndërruar jetë Bajrush ef. Ahmeti ish-profesor shumëvjeçarë në medresenë e mesme “Alaudin” në Prishtinë

    “Të Zotit jemi dhe tek Ai do te kthehemi”

    Prof. Bajrush ef. Ahmeti (1940-2021)

    Njoftojmë kolegët, miqtë e opinion e gjerë se në orët e para të mëngjesit të sotëm, në Prishtinë, ka ndërruar jetë Bajrush ef. Ahmeti ish-profesor shumëvjeçarë në medresenë e mesme “Alaudin” në Prishtinë.
    Siç bënë të ditur familja, rahmetliu ishte i prekur nga Covid-19, andaj varrimi do të bëhet vetëm nga rrethi i ngushtë familjar, si dhe për shkak të situatës pandemike nuk do të organizohet të pame.

    (Biografi e shkurtë)
    Bajrush Ahmeti lindi më 1940, në fshatin Orllan, komuna e Podujevës. Shkollën fillore e kreu në vendlindje, të mesmen në Medresenë “Alaudin” të Prishtinës. Studimet i vazhdoi në Fakultetin e Sheriatit dhe të Filologjisë në Universitetin e Bagdadit, ku edhe u diplomua, më 1972.
    Prej vitit 1972 punoi si profesor i Historisë Islame në Medresenë e mesme “Alaudin” në Prishtinë.
    Me shkrime në periodikun e Bashkësisë Islame e gjejmë të pranishëm që nga vitet ‘70-të, të shekullit të shkuar, fillimisht në revistën “Edukata Islame”, pastaj në “Takvim- Kalendar”, “Zëri i Rinisë”, “Dituria Islame”, “Hëna e Re” etj., ku ka botuar artikuj, studime e përkthime nga fusha e Historisë Islame.
    Bajrush Ahmeti ka të botuar një sërë veprash kryesisht tekste shkollore për nevoja të Medresesë: Historia e Pejgambërve (1978); Historia islame-2 (1992); Historia islame-3, (1992); Njëqind e një hadithe, përkthim me komentim,(1995); Historia islame-4, (1997); Perandoria osmane dhe përhapja e islamit në trojet shqiptare dhe në viset fqinje, (1997); Kadijanitë (Ahmeditë), (1997) etj.

  • Mish qengji me pilaf

    Shijoni pjatën e pasur dhe të bollshme të mishit të qengjit me pilaf. Përgatisni një vakt të shijshëm dhe me aromë fantastike për familjen! Lexoni hapat dhe këshillat që sugjeron chefi për të shijuar dhe provuar kombinime të reja

    Përbërësit

    500 gr mish qengji

    2 gota uji oriz për pilaf

    1/2 karrotë

    2 gjethe dafine

    1 kërcell rozmarinë

    Kripë

    Piper

    Pak vaj ulliri

     

    Udhëzimet

    Presim mishin në kube të mëdha ose në 4 racione. E vendosim në një tenxhere të ziejë, së bashku me rozmarinën dhe dafinën. I lëmë të ziejnë derisa mishi të zbutet mirë.

    Heqim mishin nga lëngu dhe e kalojmë në një tigan derisa të marrë ngjyrë.

    Në të njëjtin tigan skuqim pak orizin. Për 2 gota uji oriz duhen 4 gota uji lëng mishi.

    Bashkojmë mishin me orizin në një tenxhere dhe i lëmë në zjarr me temperaturë të ulët.

    • Kjo recetë mund të bëhet dhe në furrë, në temperaturën 200 gradë për 15 minuta.
    • Mund ta shoqëroni mishin me produkte të tjera si: limon, djathë dhie, kaperi, bajame, kajsi, patëllxhan, qershi, koriandër, hudhër, angjinare (artiçok), nenexhik, qepë, bizele,  patate, rozmarinë dhe shafran.

  • Myftiu Tërnava priti në takim shefin e misionit të OSBE-së në Kosovë, ambasadorin Jan Braathu

    Kryetari i Bashkësisë Islame të Kosovës, Myftiu Naim ef. Tërnava, priti në takim lamtumirës shefin e Misionit të OSBE-së në Kosovë, ambasadorin z. Jan Braathu.

    Myftiu Tërnava njohu ambasadorin Braathu me punën dhe angazhimin permanent që po tregon  BIK-u në përballje me pandeminë globale COVID-19, si dhe për bashkëpunimin që kanë pasur me institucionet shtetërore në luftimin e kësaj sëmundje ngjitëse, në mënyrë që të tejkalohet sa më lehtë dhe më me pak pasoja. Myftiu Tërnava po ashtu çmoi dhe vlerësoi raportet shumë të mira që kanë me OSBE-në, sidomos në fushën e dialogut ndër fetar në Kosovë.

    “Për ne si Bashkësi Islame ka qenë  nderi i madh që të bashkëpunojmë me Ju. Andaj në emër të gjithë nëpunësve të BIK-ut,  dëshiroj t’ju falënderoj dhe lus Zotin që t’ju falë shëndet dhe kudo që të gjendeni të keni shëndet dhe suksese në jetë. Dëshirojmë që pavarësisht se ku do të gjendeni të kemi një lidhje të vazhdueshme  dhe të mbajmë komunikimin. Fjala më e madhe që mund t’ju themi është, Faleminderit”- tha Myftiu Tërnava.

    Nga ana e tij, ambasadori Jan Braathu, falënderoi Myftiun për pritjen dhe potencoi edhe njëherë rolin efikas që ka luajtur Myftiu Tërnava dhe BIK-u për bashkëjetesën dhe tolerancën, duke veçuar bashkëpunimin shumë të mirë me OSBE-në.

    Në fund të takimit, në shenjë falënderimi, Myftiu Tërnava ndau një mirënjohje për ambasadorin Braathu.

  • Me vjen në mendje se po vdes dhe disa ditë jam kështu, një këshillë nga hoxha ?

    Me vjen në mendje se po vdes dhe disa ditë jam kështu, një këshillë nga hoxha ?

    Selam Alejkum jam 27 vjeqare jam e martuar dhe kam dy fmijë por e kam një problem,  më vjen mendimi që kam me vdek dhe jam e sigurt 100% që pas pak ore do të vdes qaq shumë që e mendoj këtë ja nis mem dhimt kryt dhe gjyksi më shtrëngon si kur të doj dishka prej gjyksit mem dal më vjen nxet shumë, vanon shumë kohë deri sa të më kalojnë kaniher me dit jam ashtu nuk e di qysh mu liru prej saj kam shumë frik me vdek se di a mujta mirë me shpjegu nëse ka mundësi një kshillë me ma dhanë. Faliminderit shumë ju përshëndes.

    Alejkumselam motër e nderuar. Çështja e parë që besimtari duhet ta dijë është se çdo krijesë do të vdesë dhe nuk do të mbetet përgjithmonë. Kanë vdekur ata që kanë qenë para nesh, do të vdesim edhe ne, dhe do të vdesin edhe ata që.do të vijnë pas neve. Pra vdekja është tradita e Allahut në tokë dhe kjo nuk mund të ndryshohet apo të zëvendësohet. Këtë çdo besimtar e di dhe për këtë shkak përgatitet për vdekjen e tij dhe për takimin e tij me Allahun. Kjo është brenda e tij dhe jo fakti që një ditë do të vdes. Pra ne mundohemi ti përmirësojmë raportet e tona me Allahun, ta falim namazin, të japim zeqatin dhe ti kryejmë obligimet e tjera fetare. Prandaj mos e lejo veten të frikësojë një gjë që do ta përjetojmë të gjithë por brenga jote le të jetë raporti yt me Allahun. Ajo që e ndjen mundet me qenë cytje e shejtanit që të frikësojë dhe të demoralizojë. Ti mos ja jep atë luks përkundrazi mundohu që të bëhesh sa më e mirë në raport me Allahun. Namazin mos e le dhe po ashtu dhikrin shpeshtoje, kërko flaje prej Allahut.për gjynahet dhe shpeshtoje istigfarin. Dëgjo Kuran sa më shumë dhe lexo në di të lexosh më gjuhën arabe. Vetëdijësohu fetarisht dhe lexo libra më shumë mësoje fenë tënde dhe kuptoji kurthat e shejtanit që ia bën njeriut. Kisha pëlqyer që të bësh rukje ose të.dëgjosh rukje që ndoshta mos keni ndonjë mësysh apo të ngjashme me të. Mbështetju Allahut në ëdl kohë dhe çdo gjendje sepse nuk ka mbështetje më të mirë se mbështetja në Allahun. Angazhoje veten me vepra të mira dhe me angazhime të.përditshmërisë dhe largoje mendjen nga mendimet e ndryshme që të dëmtojnë. Mos i harro lutjet sepse lutja është arma më e fortë e besimtarit. Allahu ua largoftë frikën dhe ja u lehtësoftë gjendjen.

    Hoxhë Irfan Jahiu