Category: Familja & jeta bashkëshortore

1. Kur mendon se roli i gruas është anësor dhe se ajo është thjesht një shërbëtore, kur ti nuk e respekton rolin e saj në shtëpi, që ajo përkujdeset për fëmijët e tu, për edukatën dhe arsimimin e tyre, duke mos i lënë anësh edhe punët e shtëpisë… dije se ti nuk je burrë i mirë!!
2. Kur gruaja e lodh veten në përgatitjen e ushqimit të cilin ti e preferon, t’i pastron rrobat, t’i hekuros ato dhe nga ti nuk e dëgjon asnjë fjalë falënderimi… dije si ti nuk je burrë i mirë!!
3. Kur gruaja jote nervozohet nga lodhja e punës që e bën brenda shtëpisë dhe jashtë saj (ku të ndihmon ty për nevojat e përditshme të jetës), kur nervozohet nga lodhja e fëmijëve dhe kërkesave të tyre të cilat nuk kanë fund, nga presioni i jetës së përditshme, dhe ti, nuk ia zbut atë nervozë dhe nuk bën sabër me të, dhe ndoshta edhe e divorcon… dije se ti nuk je burrë i mirë!!
4. Kur ulesh ti me gruan dhe veshja jote është e keqe, të vjen era e keqe, flokët i ke të parregulluara dhe asaj i drejtohesh e i thua që të rregullohet për ty… dije se ti nuk je burrë i mirë!!
5. Kur ti i përhap fshehtësitë e tua dhe të gruas para shokëve… dije se ti nuk je burrë i mirë!!
6. Kur ti e ndalon gruan ta vizitojë farefisin, duke e ditur se ajo e ka për detyrë ta vizitojë farefisin dhe ta respektojë prindin… dije se ti nuk je burrë i mirë!!
7. Kur ti e privon gruan nga agjërimi dhe namazi vullnetar, dhe kur ti e pengon me diçka kur ajo fillon të lexojë Kuran… dije se ti nuk je burrë i mirë!!
8. Kur ajo dëshiron të merr pjesë në mendimin tënd sa i përket ndonjë problemi që ka ndodhur në lidhje me fëmijët, apo ajo kërkon nga ti t’i tregosh se çka do që të gatuajë dhe të hash, dhe ti ia kthen shpinën dhe fillon të lexosh gazetë… dije se ti nuk je burrë i mirë!!
9. Kur ti mendon se çështjet duhet të shikohen vetëm se nga prizma e botëkuptimit tënd dhe harron se gruaja duhet të trajtohet si njeri, e cila i ka të drejtat e saj dhe mbi të ti ke detyrime, dhe se jeta është një udhëtim ku në të marrin pjesë të dy bashkëshortët, dhe se mëshira, dashuria dhe butësia, janë themeli i jetës bashkëshortore… dije se ti nuk je burrë i mirë!!

Nga arabishtja: Irfan JAHIU

A e di se nëna e burrit tënd është çelës nga çelësat e lumturisë bashkëshortore?!

Merri këto këshilla se si të sillesh me nënën e burrit tënd, dhe me këtë të fitosh një nga çelësat e lumturisë tënde bashkëshortore:

1. Largoju ankesave drejtuar burrit tënd për atë që e vepron nëna e vet:

Ngase kjo është shumë e rëndë për burrin dhe ai bie në një pozitë shumë të keqe mes dy palëve të rëndësishme në jetën e tij, nënën dhe gruan e vet. Prandaj, kujdesu që ai të dëgjojë çdo gjë që e buzëqesh dhe nxit lumturi në shpirtin e tij dhe ia pakëson lodhjet dhe mundimet, kurse ankesa ka mundësi të jep rezultate jo të lavdëruara!

2. Fol për vjehrrën tënde mirë:

Pa marrë parasysh para saj apo larg saj, para burrit të saj apo familjes së saj, apo edhe të huajve, ngase kështu e ndjen vjehrra se kjo grua e do me të vërtetë dhe me sinqeritet.

3. Të vizituarit e saj dhe interesimi për gjendjen e saj:

Nëse ajo banon në shtëpi tjetër, atëherë vizitoje dhe interesohu për gjendjen e saj. Kjo është respekt dhe nder i madh për të, dhe kjo do të afron më tepër tek ajo, madje të bëhesh edhe më e dashur se bijat e saj.

4. Respektoje lidhjen e veçantë mes burrit tënd dhe nënës së vet:

Kjo do të thotë lëri asaj hapësirë me burrin tënd, nëse burri yt i flet diçka nënës së tij në vesh apo e kundërta, mos u lodh që ta dish se çka i tha asaj. Nga sjellja e mirë dhe respekti, është ta kuptosh se ajo çështje ty nuk të intereson!

5. Mbjell në shpirtrat e fëmijëve tuaj dashurinë ndaj gjyshes dhe gjyshit të tyre:

Mësoji ata që ta respektojnë vjehrrën tënde dhe të sillen mirë me të. T’i ndihmojnë nëse ka nevojë për ndihmë, t’i japin dhurata dhe gjëra tjera që aludojnë në respekt të veçantë ndaj saj!!

6. Jepi përparësi kërkesave të vjehrrës tënde:

Vjehrra e jote është grua e moshuar, ka qëndruar zgjuar dhe është lodhur dhe ka dhënë shumë për fëmijët e saj. Prandaj, e patjetërsueshme është të ndjesh se nevojat dhe kërkesat e saj janë parësore për t’u realizuar.

7. Takoje vjehrrën tënde e buzëqeshur dhe me buzëqeshje të sinqertë:

Buzëqeshja ka ndikim magjik, ajo mbjell dashuri në zemër dhe i largon problemet dhe mospajtimet mes vete.

Gruaja e vetëdijshme mundet të mësojë shumë nga vjehrra e saj, nëse e përmirëson sjelljen e vet. Mirëpo nëse sillet keq me të, do ta humb rehatinë e saj dhe ardhmërinë e saj. Islami na urdhëron që ta respektojmë të madhin.

Dhe në fund, rikujto se sa herë që imani yt është i thellë dhe i sinqertë, edhe sjellja e jote me nënën e burrit tënd do të jetë më e mirë!!

Nga arabishtja: Irfan JAHIU

O ti burrë, gruaja është me ndjenja të buta dhe në shpirt e ndjeshme. Nga ti, kërkohet të sillesh me të me butësi dhe të jesh më romantik. Nëse nuk e di se si, ajo në vazhdim t’i drejton dhjetë këshilla romantike, për të cilat ti ke nevojë për to:

1. Mos tento ta gënjesh gruan, ngase ajo, do ta dallojë se e gënjen nga zëri yt!
2. Mos e anashkalo gruan, kur ajo, më së shumti ka nevojë për ty!
3. Mos e pyet për atë se sa ty të do, vetëm se atëherë, kur ti i pari ia paraqet asaj dashurinë tënde që e ndjen ndaj saj!
4. Mos e tradhto gruan! Zemra e saj është si qelqi, nëse thyhet nuk mund më të rikthehet në formën e saj të mëparshme!
5. Nëse gruaja qesh, dije se ajo në shoqërimin tënd rehatohet!
6. Nëse ajo të thërret, dije se ajo ka qenë e pikëlluar dhe ka dashur ta dëgjojë zërin tënd që të qetësohet, edhe pse ajo nuk ta ka shprehur pikëllimin e saj!
7. Nëse ajo është e lumtur, ti shoqëroje në lumturinë e saj. Nëse është e pikëlluar, pyete që ta qetësosh, e jo për t’i dhënë zgjidhje!
8. Zemra e gruas nuk e do një burrë, vetëm se atëherë kur i beson atij!
9. Gruaja, shumë rëndë e shfaq mërzinë e saj, dhe nëse e sheh se nga sytë e saj i rrjedhin lot, dije se ajo është në gjendje të rëndë mërzie!
10. Dhe për në fund, bëhu për gruan shoku më i sinqertë, baba i mëshirshëm dhe vëlla i butë. Nëse ajo lidhet me ty, dije se ajo ka sakrifikuar njerëzit më të shtrenjtë të saj dhe zgjodhi shoqërimin tënd, para shoqërimit të tyre!

Nga arabishtja: Irfan JAHIU