Category: Lajme

Një shpërthim ka ndodhur në vullkanin Merapi që ndodhet në Ishullin Java në Indonezi, transmeton Anadolu Agency (AA).

Në një deklaratë nga Qendra për Hulumtimin dhe Zhvillimin e Teknologjisë së Katastrofave Gjeologjike (BPPTKG) thuhet se hiri dhe tymi i hedhur nga vullkani kanë arritur në lartësi prej 1.400 metrash nga krateri.

Autoritetet kanë paralajmëruar që “të mos zhvillohen aktivitete deri në 5 kilometra” nga zona përreth vullkanit në të cilin kohët e fundit janë rritur veprimet vullkanike dhe për të cilin nivelin i alarmit është “portokalli”.

Në vitin 2010 të paktën 347 persona humbën jetën si pasojë e shpërthimit të vullkanit Merapi i cili ka një lartësi prej 2.968 metrash në ishullin Java.

Sistemi i alarmit vullkanik në Indonezi përbëhet nga katër faza: “jeshile”, “e verdhë”, “portokalli” dhe niveli më i lartë, “i kuq”.

Një civil u vra dhe dy të tjerë u plagosën si rezultat i shpërthimit të një makine të ngarkuar me bombë në rrethin Al-Bab në veri të Sirisë, raporton Anadolu Agency (AA).

Sulmi ndodhi kur eksplozivi u aktivizua në qendrën e rrethit Al-Bab, rajon i cili është çliruar nga kontrolli i terroristëve nëpërmjet operacionit turk “Mburoja e Eufratit”.

Të plagosurit janë transferuar në spitalet e rrethit, ndërkohë që ekzistojnë shqetësime nga rritja e mundshme e numrit të viktimave.

Shpërthimi u ka shkaktuar dëme edhe automjeteve dhe dyqaneve përreth.

Forcat lokale të sigurisë, të cilat po kryejnë hetime, besojnë në mundësinë që sulmi të jetë kryer nga organizata terroriste YPG/PKK.

Një tërmet me fuqi 7,2 ballë ndodhi në afërsi të provincës Miyagi në Japoninë verilindore, transmeton Anadolu Agency (AA).

Sipas një deklarate nga Agjencia Meteorologjike e Japonisë (JMA), tërmeti me thellësi prej 60 kilometrash u regjistrua në afërsi të provincës Miyagi në orën 18:09 sipas kohës lokale.

Pas tërmetit, JMA lëshoi paralajmërim për një “tsunami” në bregdetin e Miyagi-t.

Tërmeti u ndie gjithashtu në gjithë verilindjen, si në Iwate, Akita, Gunma, Fukushima, Saitama, Aomori dhe kryeqytetin Tokio.

Muhammad Ali as-Sabuni, një nga dijetarët e shquar të botës arabe, ka ndërruar jetë në moshën 91-vjeçare në shtëpinë e tij në Yalova të Turqisë, raporton Anadolu Agency (AA).

I shquar në botën islame me një gamë veprash të shkruara, dijetari sirian Sabuni, u konfirmua i vdekur nga ekipet shëndetësore të cilat shkuan në shtëpinë e tij në qytetin Yalova pas thirrjes nga të afërmit e tij.

Familja e dijetarit njoftoi se ai do të varroset nesër në Stamboll pas namazit të drekës në Xhaminë Merkezefendi.

Biografia

I lindur më 1 janar 1930 në Halep të Sirisë, Sabuni u diplomua në Fakultetin e Sheriatit në Universitetin Azhar në vitin 1952. Më vonë, ai vazhdoi arsimin në Departamentin e të Drejtës Islame dhe përfundoi specializimin në Departamentin e Drejtësisë Sheriatike në të njëjtin universitet në vitin 1954.

Sabuni më pas u kthye në vendin e tij Siri dhe kreu veprimtari arsimore për tetë vjet. Ai emigroi në Arabinë Saudite dhe filloi të ligjërojë në Fakultetin Pedagogjik dhe Fakultetin e Sheriatit në Universitetin e Mekes.

Sabuni, i cili vazhdoi shërbimin në fushën e arsimit këtu për 28 vjet, trajnoi profesorë universitarë dhe recensoi shumë vepra klasike në Universitetin Ummu’l-Kura. Sabuni shërbeu si president i Unionit të Dijetarëve Sirianë për shumë vite.

Nënpresidentja e Tanzanisë, Samia Suluhu Hassan, sot bëri betimin si presidente, duke u bërë gruaja e parë që drejton këtë vend të Afrikës Lindore, transmeton Anadolu Agency (AA).

Presidenti i Tanzanisë John Magufuli vdiq dy ditë më parë në moshën 61-vjeçare.

Hassan, e cila mori detyrën pas vdekjes së Magufuli-t më 17 mars, u bë gruaja e parë presidente në historinë e vendit.

“Jemi të fortë si komb dhe do të vazhdojmë aty ku e la udhëheqësi ynë Magufuli”, theksoi Hassan.

Duke deklaruar se vendi po kalon një periudhë të vështirë, Hassan bëri thirrje për unitet dhe solidaritet.

Ajo shtoi se ceremonia përkujtimore për Magufuli-n do të mbahet në katër qytete, Dar es Salaam, Dodomi, Mwanzi dhe Geiti. Hassan shtoi se varrimi i ish-presidentit do të bëhet më 25 mars në Chat.

Autoritetet e Arabisë Saudite njoftuan se gjatë Ramazanit do të mundësohet falja e namazit të teravisë në Xhaminë e të Dërguarit në Medine, transmeton Anadolu Agency (AA).

Kreu i Drejtorisë për Xhaminë e Madhe në Mekë dhe Xhaminë e të Dërguarit në Medine dhe Imam Kabe Sheik Abdurrahman es-Sudeys zbuloi për Agjencinë saudite të Lajmeve (SPA) se për shkak të pandemisë së COVID-19 do të zbatohen masa në Xhaminë e të Dërguarit gjatë Ramazanit.

Ai tha se Xhamia e të Dërguarit do të mbyllet gjysmë ore pas namazit të taravisë ndërsa do të hapet dy orë para namazit të sabahut.

Xhamia e të Dërguarit do të jetë plotësisht e hapur për besimtarët për 10 ditët e fundit të Ramazanit.

Po ashtu thuhet se në namazet gjatë Ramazanit në Xhaminë e të Dërguarit në Medine mund të jenë të pranishëm maksimum 60 mijë besimtarë edhe atë 45 mijë brenda xhamisë dhe 15 mijë në haremin e ri që është ndërtuar në pjesën perëndimore të xhamisë.

Vitin e kaluar për shkak të pandemisë së COVID-19 nuk u lejua falja e namazit të teravisë me xhemat në xhamitë më të mëdha në Mekë dhe Medine.

Një studim i opinionit publik në Afrikë ka zbuluar se imazhi i Francës në kontinent është duke u dëmtuar gjithnjë e më shumë, megjithatë ai i Turqisë është duke u përforcuar, transmeton Anadolu Agency (AA).

Imazhi i shteteve të huaja që veprojnë në kontinent u zbulua nëpërmjet studimit të quajtur “Africaleads 2021”, i cili këtë vit është përgatitur për të tretën herë me kërkesë nga Këshilli i Investuesve Francez në Afrikë (CIAN)

Studimi është realizuar nga kompania e kërkime me seli në Paris, IMMAR, ku u nda me publikun në Africa Forum 2021 të organizuar online nga CIAN.

Sipas hulumtimit bazuar në mendimet e liderëve të opinionit nga 12 vende të Afrikës, imazhi i Francës në kontinent çdo vit po pëson dëm. Sipas kësaj, Franca e cila në vitin 2019 me 21 për qind ishte në vendin e 5-të në mesin e vendeve me imazh më të mirë në Afrikë, në vitin 2020 ra në vendin e 6-të me 20 për qind.

Franca këtë vit ra edhe një nivel duke u bërë vendi i 7-të me 17 për qind.

Imazhi pozitiv i Turqisë u dyfishua në krahasim me vitin e kaluar

Një nga ndryshimet më të mëdha në listë u bë me imazhin e Turqisë. Turqia e cila u rendit e 8-ta menjëherë pas Francës, rritja e imazhit të saj nga 8 për qind vitin e kaluar në 15 për qind qëndroi si një nga pikat më të theksuara në hulumtim.

Si shkaku i rritjes për gati 100 për qind në një vit i atyre që mendojnë se Turqia ka imazhin më të mirë në Afrikë, tregohet se janë investimet në rritje të Turqisë në kontinent si dhe itineraret e reja të përcaktuar nga Turkish Airlines.

Pavarësisht Black Lives Matter, SHBA kryeson listën

SHBA, në listën e shteteve me imazh më të mirë në Afrikë, mbrojti vendin me 43 për qind, pavarësisht humbjes së 5 pikave në krahasim me vitin e kaluar.

Pavarësisht axhendave negative që ndikojnë direkt Afrikën si ato protestat e Black Lives Matter, pas vrasjes së afro-amerikanit George Floyd me dhunën e policisë, falë “fuqisë së fortë të butë” të SHBA-së nuk iu ndryshua vendndodhja në listë. Pas SHBA-së me 37 për qind vjen Gjermania, me 34 për qind Kanadaja, me 28 për qind Britania e Madhe, me 22 për qind Kina dhe me 19 për qind Japonia.

Turqia në mesin e 6 partnerëve me të dobishëm

Në pjesën e partnerëve më të dobishëm në studim, Turqia me 66 për qind u rendit e 6-ta. Kina në këtë listë renditet e para me 76 për qind, ndërsa pas saj vijnë SHBA me 74 për qind, Kanadaja me 72 për qind, Gjermania me 71 për qind, si dhe me 70 për qind Japonia.

Britania e Madhe në këtë listë është e 7-ta me 64 për qind, Emiratet e Bashkuara Arabe (EBA) e 8-ta me 60 për qind, ndërsa Franca e 9-ta me 57 për qind.

Imazhin më të mirë në mesin e vendenve të kontinentit e ka Afrika e Jugut

Në studim marrin pjesë edhe shtetet afrikane me imazhin më të mirë. Sipas kësaj, Afrika e Jugut me 40 për qind u rendit e para, duke u ndjekur nga Maroku, Gana dhe Ruanda me 23 për qind.

Markat më të besueshëm në kontinent janë Toyota, Coca Cola, Apple dhe Samsung.

Mbi 2.000 liderë të opionint kanë marrë pjesë

Në kuadër të hulumtimit, janë konsultuar 2.426 liderë të opinionit nga 12 shtete, në periudhën prej nëntor 2020-janar 2021, në mesin e të cilëve përfaqësues të sektorit privat dhe shoqërisë civile, emra nga media dhe liderë fetarë.

Në hulumtim morën pjesë Algjeria, Tunisi, Egjipti, Etiopia, Kenia, Nigeria, Republika Demokratike e Kongos, Kameruni, Burkina Faso, Bregu i Fildishtë, Senegali dhe Maroku.

Ministri turk i Punëve të Jashtme, Mevlüt Çavuşoğlu, ka bërë thirrje për zhvillimin e mekanizmave efektive për të çrrënjosur tendencat anti-muslimane dhe urrejtjen ndaj Islamit, transmeton Anadolu Agency (AA).

Përmes një video-mesazhi në një konferencë të organizuar në Ditën ndërkombëtare për të luftuar islamofobinë nga Organizata e Bashkëpunimit Islamik (OBI), ministri Çavuşoğlu tha se “populizmi, racizmi, ksenofobia dhe gjuha e urrejtjes janë në rritje në të gjithë botën dhe shfaqja e pandemisë COVID-19 ka rritur më tej këto tendenca”.

Çavuşoğlu theksoi se sulmet, fyerjet dhe aktet e diskriminimit institucional ndaj muslimanëve janë bërë të zakonshme dhe shtoi se veprime të tilla paraqesin një nga kërcënimet më të mëdha për bashkëjetesën paqësore.

“Raportet e fundit tregojnë se numri i krimeve të urrejtjes që synojnë emirgatët po ashtu është në rritje në vendet pritëse. Ne duhet të qëndrojmë së bashku kundër të gjitha akteve të dhunës të shkaktuara nga urrejtja fetare, duke përfshirë nga anti-islami, anti-semitizmi dhe anti-kristianizmi”, tha Çavuşoğlu, duke theksuar se Turqia do të vazhdojë të mbështesë iniciativën e Aleancës së Qytetarëve të OKB-së për të përmirësuar respektin reciprok midis kulturave.

Më tej, ai tha se për të rritur ndërgjegjësimin, Turqia do të fillojë botimin e raporteve vjetore mbi tendencat ksenofobike, anti-migrante, raciste dhe anti-islame në të gjithë botën.

“Kjo është një çështje përtej politikës së përditshme. U bëj thirrje vendeve anëtare të OKB-së të përkujtojnë 15 marsin si Ditën ndërkombëtar për të luftuar islamofobinë”, tha Çavuşoğlu, duke shtuar se ata po përgatisin një rezolutë të Asamblesë së Përgjithshme të OKB-së.

Gjatë fjalës së tij, kryediplomati turk falënderoi për mbështetjen e tyre sekretarin e përgjithshëm të OKB-së, Antonio Guterres, kreun e Asamblesë së Përgjithshme të OKB-së, Volkan Bozkır, dhe përfaqësuesin e lartë të OKB-së për Aleancën e Qytetërimeve, Miguel Moratinos.

Këshilli Drejtues i Institutit për Hulumtime dhe Studime Islame, ka mbajtur sot mbledhjen e rregullt me anëtarët e saj. Mbledhjen e hapi dhe e kryesoi drejtori i këtij Instituti, Sabri ef. Bajgora.

Në këtë mbledhje, të parë të kësaj natyre, u diskuan dhe u analizuan një sërë pikash, prej të cilave ishte edhe përgatitja e rregulloreve bazike për funksionimin e Institutit.

Ndër pikat e tjera të diskutimit në këtë mbledhje ishin edhe themelimi i një reviste shkencore dhe themelimi i një webfaqeje të Institutit, për një qasje më të lehtë në punën dhe të arriturat e Institutit.

Në këtë mbledhje po ashtu u diskutua edhe organizimi i një sesioni shkencor me rastin e 100 vjetorit të përkthimit të Kuranit nga Ilo Mitko Qafzezi, si dhe botimi i Mevludit të Shamit në dorëshkrim nga Hafiz Islam Nekoci, me rastin e 100 vjetorit të shkrimit të tij.

Anëtarët e Këshillit Drejtues të IHSI-së dhanë idetë dhe propozimet e tyre rreth këtyre pikave për të cilat më pas u diskutua dhe u morën vendime në bazë të kompetencave të Institutit.