Category: Lajme

Xhamia Al-Azhar në Kajro të Egjiptit shquhet si një ndër xhamitë më të rëndësishme në botë, raporton Anadolu.

Xhamia Al-Azhar, e përfunduar në vitin 972, tërheq vëmendjen me arkitekturën e saj, ndërsa duke mirëpritur mijëra vizitorë çdo vit, xhamia vazhdon të jetë një qendër shkencore dhe kulturore për botën islame.

Ndërtimi i xhamisë filloi më 4 prill 970, ndërsa përfundoi në vitin 972 dhe lutjet e para të xhumasë u mbajtën aty më 22 qershor 972 gjatë Ramazanit.

Xhamia Al Azhar sot përmban shenja ndërtimesh që i janë bërë nga Fatimidët, Memlukët, Ejubitët dhe Osmanët.

Al Azhar është një kompleks, që përveç xhamisë përfshin edhe një ndër universitetet më të vjetra në botë.

Përfaqësuesi special i OKB-së për Sirinë, Geir Pedersen dhe lideri i Hayat Tahrir al-Sham (Ahmed al-Shara), Abu Mohammad Al-Julani diskutuan për zhvillimet e fundit në Siri, raporton Anadolu.

Sipas informacioneve nga burimet e qeverisë së përkohshme në Siri, Pedersen dje ka shkuar për herë të parë në Damask pas rënies së regjimit të Bashar al-Asadit ku është takuar me liderin e HTS, Al-Shara.

Në takim Al-Shara tha se rezoluta 2254 e Këshillit të Sigurimit të OKB-së (KS-OKB) duhet të përditësohet dhe të përshtatet me realitetin aktual në vend.

Ai theksoi nevojën për bashkëpunim të shpejtë dhe efektiv për trajtimin e problemeve të sirianëve. Al-Shara u shpreh se fokusi duhet të jetë mbi integritetin territorial të Sirisë si dhe sigurimin e rindërtimit dhe zhvillimit ekonomik.

Lideri i HTS-së kërkoi të sigurohet një mjedis i përshtatshëm për rikthimin e refugjatëve sirianë në mënyrë të sigurt dhe të ofrohet mbështetje ekonomike dhe politike gjatë këtij procesi. Sipas tij, këto hapa duhet të realizohen pa nxitim, me shumë kujdes dhe nën vëzhgimin e ekipeve të ekspertëve.

Rezoluta 2254 e miratuar në dhjetor 2015 në KS-OKB parashikon formimin e qeverisë së tranzicionit pasi delegacionet e opozitës dhe regjimit të përfundojnë negociatat. Sipas kësaj, negociatat duhet të përfundojnë brenda 6 muajve dhe të formohet qeveria e tranzicionit. Më pas qeveria e tranzicionit gjatë një periudhe 12 mujore të përgatisë kushtetutën dhe ta çojë vendin në zgjedhje të drejta.

Kryeministri, Albin Kurti ka thënë së kanë nënshkruam kontratë me prodhuesin shtetëror turk “Makine ve Kimya Endüstrisi” (MKE), për fabrikën e municioneve në Kosovë.

Kurti ka thënë se në këtë kontratë, përveç makinerisë prodhuese përfshihet edhe trajnimi i stafit, mirëmbajtja për një kohë të caktuar, si dhe pajisja me sisteme për testim të cilësisë dhe për kalibrim

“MKE merr përsipër ta vë në funksion fabrikën e municioneve e cila do të shërbejë për prodhimin e kalibrave të ndryshëm të municioneve sipas standardeve të NATO-s. Në këtë kontratë, përveç makinerisë prodhuese përfshihet edhe trajnimi i stafit, mirëmbajtja për një kohë të caktuar, si dhe pajisja me sisteme për testim të cilësisë dhe për kalibrim. Me të filluar prodhimi, fabrika do të funksionojë si ndërmarrje publike dhe si markë 100% vendore”, ka shkruar Kurti.

Kurti javë më parë njoftoi se ka nisur procedurat për procedurat e nevojshme për hapjen e fabrikës për prodhimin e municionit dhe për laboratorin mbi dizajnimin e fluturakeve pa pilot.

Kurti tha se është vendim i rëndësishëm dhe një hap të domosdoshëm për të garantuar zhvillimin e qëndrueshëm të ushtrisë sonë.

Ambasadori gjerman në Kosovë, Jorn Rohde ka deklaruar se pas incidenteve të shumta në veri, prania e Policisë duhet të rritet atje, në mënyrë që të shmangen të tjera raste.

Ai ka përmendur rastin e Banjskës dhe raste të tjera ku janë hedhur granata dore, ku ka shtuar se është normale që të rritet prania e Policisë kur diçka ndodhë në veri.

“Nëse ka pasur sulm terrorist, ka pasur incidente, janë hedhur granata dore, me rëndësi është se aty ka qenë edhe Banjska. Po, duhet të rritet prania e policisë, prania e policisë duhet të jetë adekuate dhe me sa kam dëgjuar prezenca e policisë tashmë është zvogëluar. Një pikë tjetër për të cilën do të doja të flisja është të kthehemi pak pas, të kritikojmë OJQ-të që komentojnë praninë e policisë. Për mua është normale të dërgosh policinë nëse ndodh diçka. E dyta është diçka që na duhet, që Policia e Kosovës të japë një reflektim etnik. Prandaj, të rekrutohen policë dhe të kemi policë nga radhët e minoriteteve në Kosovë, sepse me sa di unë i kemi 150 të cilët janë duke u trajnuar dhe më parë kanë qenë në rrugë dhe kemi nevojë për inkurajim për njerëz të tillë, sepse kjo vlen për popullatën serbe, për përfaqësuesit politikë, për organizatat joqeveritare. Ju lutem inkurajoni njerëzit tuaj që të hyjnë në institucione sepse ata janë njerëz nga komuniteti juaj, dhe kjo është pika e parë, pika e dytë është, e dini, që nuk ishte qeveria e Kosovës ajo që i bojkotoi zgjedhjet, ne patëm një situatë ku shumica në veri nuk përfaqësonte institucionet, prandaj bojkotimi i zgjedhjeve nuk është rruga përpara, apo bojkotimi i parlamentit”, ka thënë Rohde.

22 Carat Gold Necklaces From Luxembourg Are Being Sold At Unbeatable Prices
Luxury Necklaces I Search Ads
by Taboola
Tutje ai ka thënë se serbët e Kosovës duhet ta pranojnë shtetin ku ata jetojnë dhe se duhet të bashkëpunonë dhe të integrohen aty ku jetojnë, e jo të bojkotojnë.

“Mendoj se pakicat, serbët e Kosovës, duhet të pranojnë se kjo është Kosova dhe të bashkëpunojnë, të integrohen në vendin ku jetojnë dhe pastaj të kenë mundësi të kenë ndikim në vendimet që merren dhe jo duke bojkotuar. Pra, jo çdo gjë është në rregull, duhet të shtrihemi më shumë tek pakicat dhe na duhet një mënyrë tjetër që minoritetet të pranojnë të jetojnë në Kosovë. E dini, po, ne e mbështesim Kosovën si shtet të pavarur dhe se na duhet një shoqëri multietnike dhe demokratike”, ka deklaruar Rohde.

Një person ka humbur jetën si pasojë e një vetaksidenti që ka ndodhur mbrëmë, në Qupevë të Ulët të Klinës.

Burimet e IndeksOnline mësojnë se viktima është një 22 vjeçar.

Në vendin e ngjarjes kanë dal zjarrëfikësit dhe policia, të cilët po mundohen ta nxjerrin trupin e të ndjerit nga vetura, i cili kishte mbetur aty qe 15 orë.

Nga ky aksident edhe një person tjetër ka mbetë i lënduar, i cili është dërguar në spital dhe është jashtë rrezikut për jetë, bëjnë të ditur burimet e IndeksOnline.

Pjesëtarë të Forcës së Sigurisë së Kosovës (FSK) kanë kryer trajnim teorik dhe praktik me pjesëtarë të Forcave të Armatosura të Türkiyes në Kosovë, transmeton Anadolu.

Siç njofton FKS-ja, trajnimi u bë në kuadër të menaxhimit të sfidave gjatë patrullimeve ushtarake në pikat kufitare.

“Në kuadër të bashkëpunimit me Forcat e Armatosura të Republikës së Türkiyes, instruktorë me përvojë kanë realizuar trajnim teorik e praktik në përgatitjen profesionale të ushtarakëve të FSK-së, në ‘Patrullimet Kufitare’, duke realizuar demonstrim praktik në terren, në identifikimin e rrezikut gjatë patrullimeve dhe zgjedhjen e problematikave që dalin gjatë patrullimeve dhe menaxhimin e tyre”, thuhet në njoftimin e FSK-së.

Ministri i Financave, Hekuran Murati ka pritur sot në takim për herë të parë ministrin e Punës, Familjes, Çështjeve Sociale dhe Mundësive të Barabarta të Sllovenisë, Luka Mesec.

Gjatë këtij takimi, palët janë dakorduar që të iniciohet marrëveshja për sigurime shoqërore mes dy vendeve, duke u mundësuar e drejta për pension qytetarëve të Kosovës që jetojnë në Slloveni si dhe anasjelltas.

“Inicimi i kësaj marrëveshjeje u konsiderua si interes i përbashkët i të dyja vendeve, andaj takimi i sotëm hapi rrugë për fillimin e negociatave ndërmjet ekipeve teknike drejt finalizimit të marrëveshjes. Tutje, në këtë takim u diskutuan edhe mundësi të tjera për bashkëpunim ndërmjet dy vendeve, me theks të veçantë tek fusha e punësimit dhe mundësia e zhvillimit të programeve të përbashkëta në këtë drejtim”, thuhet në njoftimin e ministrisë.

Madje, ata kanë diskutuar për mundësi të tjera për bashkëpunim ndërmjet dy vendeve, me theks të veçantë tek fusha e punësimit dhe mundësia e zhvillimit.

Ministria e Arsimit, Shkencës, Teknologjisë dhe Inovacionit (MASHT) në bashkëpunim me Ministrinë e Shëndetësisë kanë organizuar Simpoziumin e Teknologjisë Mjekësore, raporton Anadolu.

Ky Simpozium është i pari i llojit të vet që organizohet në Kosovë e në rajon dhe ka për qëllim të krijojë hapësira dhe mundësi shkëmbimi e bashkëpunimi mes specialistëve të teknologjisë mjekësore, me fokus tek zhvillimet e fundit në implantet ortopedike.

Në këtë ngjarje ku po marrin pjesë mjekë specialistë, profesorë, kirurgë dhe përfaqësues të industrisë së teknologjisë mjekësore nga Mbretëria e Bashkuar, krahas profesorëve, mjekëve dhe specialistëve të fushës nga Kosova, morën pjesë edhe ministra të kabinetit qeveritar të Kosovës.

Ministrja e MASHT-it, Arbërie Nagavci, tha se simpoziumi bashkon ekspertë të nivelit të lartë, hulumtues dhe profesionistë të industrisë së implanteve ortopedike dhe teknologjisë mjekësore për të diskutuar zhvillimet e fundit në këtë fushë shkencore.

Nagavci tha se për këtë çështje më së miri ndërthuren akademia me industrinë.

“Pa arsim nuk ka zhvillim dhe pa edukim nuk ka industri. Kjo është e vërteta historike që e shoqëron rrugëtimin e secilit individ të formuar”, theksoi Nagavci.

– “Ky simpozium është një hap i rëndësishëm për përparimin e kërkimeve shkencor”

Ministri i Shëndetësisë, Arben Vitia, tha se sot po bëhet hapi i parë në një rrugë të gjatë në edukimin dhe rrjetëzimin e profesionistëve kosovarë dhe bërjen e teknologjisë si pjesë të pandashme në shkencat mjekësore.

Vitia theksoi se simpoziumi është mundësi e shkëlqyer për të ndarë të gjitha eksperiencat e fundit në këtë fushë dhe për të diskutuar sfidat dhe mundësitë që paraqiten përpara.

“Ky simpozium është një hap i rëndësishëm për përparimin e kërkimeve shkencore dhe rritjen e qasjes në teknologjitë më të avancuara mjekësore në sistemin tonë shëndetësor dhe përmes këtij simpoziumi ne nuk po krijojmë vetëm mundësi të reja për profesionistët tanë, por, po hapim dyer të reja për të ardhme më të shëndetshme dhe më të sigurt për qytetarët e Republikës”, theksoi Vitia.

Programi i simpoziumit do të përmbajë prezantime, kumtesa dhe panele diskutimi në lidhje me teknikat më të reja për përmirësimin e jetës së qytetarëve ku gjithashtu do të mundësohet bashkëpunimi i ngushtë mes institucioneve vendore dhe qendrave hulumtuese të Kosovës me kolegë dhe qendra homologe nga Mbretëria e Bashkuar.

Sekretari i Përgjithshëm i OKB-së, Antonio Guterres, shprehu shqetësimin e tij për krizat e përshkallëzuara humanitare dhe politike në Rripin e Gazës dhe Liban, ndërsa dënoi shkeljet e ligjit ndërkombëtar, raporton Anadolu.

“Makthi në Gaza tani po hyn në një vit të dytë mizor dhe të neveritshëm. Ky ka qenë një vit krize. Krizë humanitare. Krizë politike. Krizë diplomatike dhe një krizë morale”, tha Guterres në një konferencë shtypi në selinë e OKB-së në New York.

Rripi i Gazës “është kthyer në pikën zero në një nivel vuajtjeje njerëzore që është e vështirë për t’u kuptuar”, tha ai dhe vuri në dukje se më shumë se 41.000 palestinezë janë vrarë, shumica dërrmuese e tyre gra dhe fëmijë, me mijëra të tjerë të zhdukur dhe që besohet se kanë mbetur nën rrënoja.

“Unë dënoj fuqishëm të gjitha shkeljet e ligjit ndërkombëtar humanitar në Gaza”, tha ai.

Guterres theksoi rolin e domosdoshëm të Agjencisë së OKB-së për Ndihmë dhe Punë (UNRWA) në Gaza, ndërsa paralajmëroi për pasojat e mundshme të një projektligji izraelit për të kufizuar operacionet e agjencisë.

“Një masë e tillë do të mbyste përpjekjet për të lehtësuar vuajtjet njerëzore dhe tensionet në Gaza, dhe në të vërtetë, në të gjithë Territorin Palestinez të pushtuar. Do të ishte një katastrofë në atë që tashmë është një fatkeqësi e palehtësuar”, tha ai.

Javën e kaluar, Knesseti (parlamenti i Izraelit) avancoi një projektligj për të hequr imunitetin dhe privilegjet e dhëna UNRWA-së, në një lëvizje të parë nga palestinezët dhe OKB-ja si pjesë e një fushate izraelite për të shpërbërë agjencinë e OKB-së.

Sekretari i Përgjithshëm paralajmëroi gjithashtu për një konflikt të përshkallëzuar në Liban që kërcënon të përfshijë rajonin.

“Jemi në prag të një lufte gjithëpërfshirëse në Liban – me pasoja tashmë shkatërruese”, tha ai, duke përmendur sulmet në shkallë të gjerë izraelite që kanë vrarë më shumë se 2.000 viktima në Liban dhe kanë zhvendosur mbi 1 milion.

Guterres theksoi gjithashtu se “sovraniteti dhe integriteti territorial i të gjitha vendeve duhet të respektohet”

Zyra e Bashkimit Evropian (BE) në Kosovë ka mirëpritur vendimin e Qeverisë së Kosovës për heqjen e kufizimeve për hyrjen e produkteve të gatshme nga Serbia, të cilat hyjnë në pikën kufitare në Merdare, transmeton Anadolu.

Nëpërmjet një reagimi në rrjetet sociale, Zyra e BE-së në Kosovë tha se ky vendim është “në të mirën e njerëzve dhe të bizneseve”.

“Mirëpresim heqjen e kufizimeve për hyrjen e produkteve të gatshme serbe në Kosovë përmes Merdares. Tregtia e lirë e mallrave në të gjithë Ballkanin Perëndimor, në përputhje me rregullat e CEFTA-s, është çelësi për funksionimin e Tregut të Përbashkët Rajonal, i cili është pjesë integrale e Planit të Rritjes”, thuhet në reagim.

Qeveria e Kosovës të hënën vendosi ta heqë kufizimin ndaj mallrave nga Serbia dhe ta ndryshojë atë me kontroll të shtuar në pikën kufitare në Merdare dhe jo në pikat e tjera kufitare me Serbinë.

Kryeministri i Kosovës, Albin Kurti, tha se ky vendim u mor derisa të vijnë skanerët të cilët do të vendosën në pika kufitare.

“Në 7 ditët në vijim i kemi dy zhvillime të ndryshme, pasnesër është mbledhja e CEFTA-s, ndërsa sot një javë është në Procesin e Berlinit. Masat tona nuk kanë qenë dhe nuk janë asnjëherë tregtare, janë masa të sigurisë. Ne duhet të ndërmarrim masa të sigurisë, asnjëherë masa tregtare. Në njërën prej pikave tregtare po e bëjmë këtë ndryshim të masës”, tha Kurti të hënën.

Në javët e fundit, përfaqësues nga Gjermania konsideruan se ndalimi i importit të mallrave nga Serbia dëmton Marrëveshjen e Tregtisë së Lirë të Evropës Qendrore (CEFTA) dhe Procesin e Berlinit, i cili synon të ndihmojë zhvillimin ekonomik të gjashtë vendeve të Ballkanit Perëndimor duke i afruar ato me BE-në.

Reagime rreth këtij vendimi ka pasur edhe nga Serbia. Presidenti i Serbisë, Aleksandar Vuçiq, tha të hënën se pret që autoritetet e Kosovës të “bëjnë më të mirën” për të parandaluar qarkullimin e lirë të mallrave dhe shërbimeve serbe, pavarësisht heqjes së ndalesës për produktet serbe në pikëkalimin kufitar në Merdare. Ndërkaq, kryeministri i Serbisë, Millosh Vuçeviq, ka thënë se mirëpret secilin vendim, që, sipas tij, përmirëson jetësen e serbëve në Kosovë.

Kosova ka ndalur importet nga Serbia pas arrestimit të tre policëve kosovarë nga forcat serbe, tensioneve në veri dhe dyshimeve se nëpërmjet mallrave janë futur ilegalisht armë, vitin e kaluar.