Category: Lajme

Franca dhe Norvegjia kanë shprehur mbështetjen e tyre për sekretarin e përgjithshëm të OKB-së, Antonio Guterres, duke dënuar Izraelin për shpalljen e tij “person të padëshiruar” dhe për mohimin e lejimit të tij të hyjë në Tel Aviv, transmeton Anadolu.

“Franca shpreh keqardhje për vendimin serioz, të pajustifikuar dhe kundër-produktiv të Izraelit për shpalljen ‘person të padëshiruar’ sekretarin e përgjithshëm të OKB-së, Antonio Guterres”, tha Ministria e Punëve të Jashtme e Francës.

Ministria franceze tha se riafirmojnë “mbështetjen tonë të plotë dhe besimin në sekretarin e përgjithshëm të OKB-së”.

“Franca përsërit angazhimin e saj ndaj Kartës së OKB-së, ligjit ndërkombëtar dhe rëndësinë e respektimit të vendimeve të Këshillit të Sigurimit të OKB-së në lidhje me ruajtjen e paqes dhe sigurinë ndërkombëtare”, theksoi ministria franceze, duke shtuar se OKB-ja luan një rol themelor në stabilitetin e rajonit.

Kryeministri norvegjez, Jonas Gahr Store, nga ana e tij, në rrjetet sociale tha se Norvegjia “qëndron fortë” pas shefit të OKB-së, mbrojtjes së Kartës së OKB-së, si dhe pas përpjekjeve për të ruajtur paqen dhe sigurinë.

“Unë kundërshtoj fuqishëm përpjekjet e Izraelit për të minuar Këshillin e Sigurimit të OKB-së dhe OKB-në,” theksoi ai.

Më tej, kryeministri norvegjez tha se “krizat me të cilat përballemi, përfshirë në Lindjen e Mesme, bëjnë thirrje për një OKB të fuqishme, me mbështetjen tonë të plotë”.

Dje, Izraeli njoftoi se e shpalli shefin e OKB-së “person të padëshiruar”, pasi ai kërkoi një de-përshkallëzim urgjent në Lindjen e Mesme.

Gjatë muajve të fundit, gjithashtu edhe disa zyrtarëve të tjerë të OKB-së u është ndaluar të hyjnë në Izrael, duke përfshirë raportuesen e posaçme të OKB-së për Palestinezët, Francesca Albanese, e cila u akuzua se “merr anë me palestinezët” dhe me shefin e zyrës humanitare të OKB-së në territorin e pushtuar palestinez, i cili në muajin gusht deklaroi se Izraeli refuzoi të zgjasë vizën e tij për shkak të një raporti të OKB-së që akuzonte Izraelin për shkelje të të drejtave të fëmijëve palestinezë.

Një shtetas francez u bë musliman në qytetin Sakarya të Türkiyes, raporton Anadolu.

Shtetasi francez, David Zappone, i cili thuhet se ka hulumtuar Islamin dhe ka vendosur të bëhet musliman, vizitoi Myftiun e Qarkut, Mehmet Çelebi në lagjen Karasu dhe u bë musliman duke recituar fjalët e shehadetit (dëshmisë) në ceremoninë e konvertimit të mbajtur këtu dhe mori emrin “Davud”.

Myftiu Çelebi i dha Zappone-s një certifikatë konvertimi dhe i dhuroi Kuranin e Shenjtë dhe disa libra fetarë në frëngjisht.

Ministria e Mbrojtjes dhe Forcat e Sigurisë së Kosovës (FSK), organizuan në Prishtinë konferencën vjetore ndërkombëtare “FSK dhe Partnerët 2024”, raporton Anadolu.

Në këtë konferencë morën pjesë përfaqësues të lartë të Ministrisë së Mbrojtjes dhe FSK-së, ambasadorë, atashe të mbrojtjes të Republikës së Kosovës, si dhe përfaqësues tjerë diplomatikë dhe atashetë ushtarakë të të gjitha shteteve partnere të Kosovës.

Zëvendësministri i Mbrojtjes në Kosovë, Shemsi Syla, tha se partnerët e FSK-së kanë luajtur rol thelbësor për fuqizimin e FSK-së, rrjedhimisht sot FSK-ja qëndron e fortë dhe e gatshme për përmbushjen e misionit të saj si garantuese e sigurisë së Kosovës dhe ruajtëse e paqes në rajon.

Syla tha se FSK ka dëshmuar ndër vite përkushtimin e saj për të mbrojtur lirinë dhe sigurinë e gjithë qytetarëve të saj.

“Përmes ushtrimeve të përbashkëta, trajnimeve dhe operacioneve ndërkombëtare ne kemi ndërtuar një forcë të aftë, të disiplinuar dhe të përgatitur për t’u përballur me sfidat e sigurisë brenda dhe jashtë vendit”, theksoi Syla.

Shefi i Ekipit Këshillëdhënës dhe Ndërlidhës i NATO-s (NALT), Christian Nawrat, në fjalën e tij para të pranishmëve, tha se është shumë e rëndësishme të mbahen marrëdhënie të ngushta dhe të besueshme midis palëve.

Ai shprehu besimin që kjo konferencë do të lejojë angazhim në një mirëkuptim edhe më të madh për vitin e ardhshëm.

“NATO mbetet tërësisht e përkushtuar për të luajtur rolin e saj në mbështetje të sigurisë dhe stabilitetit në Kosovë, në mbarë rajonin, veçanërisht në sfondin e tensioneve për të cilat jemi të gjithë të vetëdijshëm”, theksoi Nawrat.

Ambasadori i Türkiyes në Kosovë, Sabri Tunç Angılı, tha se Türkiye mendon që mbajtja e sigurisë në Kosovë dhe stabilitetit rajonal është çështje kritike.

Angılı tha se NATO-ja përmes KFOR-it dhe bashkëpunimit bilateral kontribuojnë një ambient të sigurt dhe “Türkiye ka kënaqësinë që të ofrojë mbështetje dhe bashkëpunim po ashtu përmes komandantit të KFOR-it”.

“Ne kemi një lidhje të veçantë me gjithë Ballkanin duke përfshirë edhe Kosovën. Këto lidhje përcaktojnë edhe politikat tona drejtë Ballkanit. Në linjën tonë përmes këtyre vijave ne dëshirojmë që të ofrojmë paqe dhe siguri këtu dhe ky është qëllimi ynë kryesor, që të bashkëpunojmë me FSK-në përmes kornizave të NATO-s”, theksoi Angılı.

Angılı tha se përmes granteve ushtarake deri më tani Türkiye i ka ofruar më shumë se 14 milionë dollarë në kuptimin e pajisjeve FSK-së, ndërsa mbi 500 anëtarë të stafit të FSK-së kanë marrë trajnime në Türkiye deri më tani.

Bashkimi Evropian (BE) do të japë mbi 1 miliard euro ndihmë për 5 vendet anëtare të goditura nga përmbytjet e vitit të kaluar, transmeton Anadolu.

Komisioni Evropian njoftoi propozimin që parasheh ofrimin e mbështetjes financiare nga Fondi i Solidaritetit të BE-së për Italinë, Slloveninë, Austrinë, Greqinë dhe Francën, të cilat përjetuan përmbytje të rënda në vitin 2023.

Me pakon e ndihmës rajonit italian Emilia-Romagna do t’i ndahen 378,8 milionë euro, rajonit të Toskanës 67,8 milionë euro, Sllovenisë 428,4 milionë euro, Austrisë 5,2 milionë euro, Greqisë 101,5 milionë euro dhe Francës 46,7 milionë euro.

Në deklaratë thuhet se mbështetja do të mbulojë disa nga kostot e operacioneve emergjente dhe të shpëtimit, përfshirë riparimin e infrastrukturës së dëmtuar, mbrojtjen e trashëgimisë kulturore dhe kryerjen e operacioneve të pastrimit ndërsa ndihma do të jepet pas miratimit nga Këshilli i BE-së dhe Parlamentit Evropian.

Ushtria izraelite njoftoi se janë lëshuar raketa nga Irani drejt Izraelit dhe se sirenat janë aktivizuar në gjithë vendin, veçanërisht në Tel Aviv, transmeton Anadolu.

Autoritetet u bënë thirrje qytetarëve izraelitë “të marrin parasysh paralajmërimet dhe të qëndrojnë në vende të sigurta”.

Më herët, ushtria e Izraelit paralajmëroi se çdo gjuajtje raketore nga Irani drejt Izraelit “do të ketë pasoja”.

Gjermania ka dërguar një avion ushtarak në Liban sot për të rikthyer disa nga qytetarët e saj në mes të tensioneve të përshkallëzuara në rajon, transmeton Anadolu.

Në një deklaratë, Ministria e Jashtme tha se një aeroplan transporti ushtarak A321 do të evakuojë anëtarët e familjeve të stafit diplomatik, personelin jothelbësor dhe shtetas gjermanë me probleme mjekësore.

Ministria përsëriti këshillimin e saj duke u kërkuar të gjithë qytetarëve gjermanë të largohen nga Libani dhe tha se ambasada e saj në Bejrut do të ofrojë ndihmë për ata që dëshirojnë të largohen nga vendi në ditët në vijim nëpërmjet fluturimeve komerciale ose mjeteve të tjera.

Gjermania njoftoi të shtunën se vendosi të reduktojë stafin në misionet e saj diplomatike në Bejrut, Tel Aviv dhe Ramallah për shkak të situatës së paqëndrueshme dhe të paparashikueshme të sigurisë në rajon.

Tensionet midis Izraelit dhe Hezbollahut u përshkallëzuan në kulmin e të gjitha kohërave të shtunën pasi sulmet e fundit izraelite në Bejrut vranë liderin e Hezbollahut, Hassan Nasrallah, dhe komandantët e lartë.

Rreth 200 pjesëtarë të Forcave Aleate të Reagimit (ARF) të NATO-s do të dislokohen në Ballkanin Perëndimor nga 30 shtatori deri më 16 tetor për të kryer stërvitje që synojnë rritjen e gatishmërisë dhe mbështetjen e misionit të NATO-s në Kosovë – KFOR, transmeton Anadolu.

Në një komunikatë për media të KFOR-it, bëhet e ditur se kjo është hera e parë që një njësi e ARF-së po dislokohet, që nga themelimi i saj në korrik 2024.

“Një kontingjent ushtarak prej rreth 50 pjesëtarësh do të jetë në Kosovë dhe një nyje komanduese e përparme prej rreth 150 pjesëtarësh do të vendoset në Maqedoninë e Veriut. Personeli i dislokuar do të kryejë aktivitete stërvitore për të ruajtur nivelin e lartë të gatishmërisë dhe për të testuar aftësitë e tyre. Një pjesë e shtabit të ARF-së do të integrohet përkohësisht në strukturat komanduese dhe kontrolluese të misionit të KFOR-it, me detyrën për të identifikuar kërkesat e mbështetjes logjistike, infrastrukturore dhe operacionale për KFOR-in”, thuhet në komunikatë.

KFOR-i bën të ditur se dislokimi i pjesëtarëve të ARF-së, së bashku me vendosjen e vazhdueshme të Forcës Rezervë Strategjike (SRF) në Kosovë, dërgon mesazh të qartë të vendosmërisë dhe angazhimit të fortë të NATO-s për të ruajtur paqen dhe stabilitetin në rajon, ashtu sikurse edhe për të qenë e gatshme për reagim.

KFOR-i tutje theksoi se ARF është një forcë strategjike, me gatishmëri të lartë, e aftë për shumë fusha.

KFOR-i vazhdon të zbatojë mandatin e tij, bazuar në Rezolutën 1244 të Këshillit të Sigurimit të Organizatës së Kombeve të Bashkuara (OKB) të vitit 1999, për të ofruar një mjedis të sigurt për të gjitha komunitetet që jetojnë në Kosovë dhe për të garantuar lirinë e lëvizjes, në çdo kohë dhe në mënyrë të paanshme.

KFOR-i është reaguesi i tretë i sigurisë, pas Policisë së Kosovës dhe misionit të BE-së për Sundimin e Ligjit (EULEX), përkatësisht, me të cilët punon në koordinim të ngushtë.

Në një periudhë dy vjeçare pas vënies së gurthemelit, xhemati shqiptarë në Winterthur, në krye me imamin e nderuar, Isamil ef.Alili dhe kryetarin e xhamisë, ztr.Adem Murseli, në përkrahje të fuqishme nga vëllëzërit dhe motrat e tyre, arritën që të bëjnë hapjen solemne të një projekti mbi 9 milionë frangash zvicerrane.

Në hapjen solemne morën pjesë përfaqësues nga Kantoni i Cyrihut, nga Komuna e Winterthurit, përfaqësues të feve tjera, përfaqësues të Bashkësive Islame nga të gjitha trojet shqiptare, nga siaspora, Bosnja dhe Kroacia.

Këtë ngjarje madhore e transmetoi Live Rtv Pendimi.

251 ushtarë dhanë dorëheqje nga Forca e Sigurisë së Kosovës përgjatë dy viteve të fundit. Nga Ministria e Mbrojtjes thanë se ky është trend botëror që ka prekur edheu shtritë e mëdha. Nga ky dikaster thanë se FSK nuk shënjestron qytetarë që duan t’I bashkohen Forcës së Sigurisë së Kosovës për pagë, por ata që janë të gatshëm t’i shërbejnë atdheut 24/7.

251 është numri i ushtarëve që kanë dhënë dorëheqje vullnetare nga Forca e Sigurisë së Kosovës përgjatë dy viteve të fundit.

Kështu u bë e ditur nga Ministria e Mbrojtjes ku thanë se ky numër nuk është I madh, marrë parasysh trendin botëror.

Nga ky dikaster thane për televizionin se trendi i ikjes nga ushtria ka prekur edhe ushtritë e mëdha botërore, si ajo e Britanisë së Madhe.

“Sigurisht kjo ndodhë për shkak të disciplines dhe përkushtimit që kërkon ushtria e që jo të gjthë janë të gatshëm ta ofrojnë për një periudhë të gjatë kohore, e sidomos jo nëse kanë pare ushtrinë vetëm si një vend pune, por në rastin e Kosovës në këtë aspekt ka pasur ndikim dhe angazhimi në sektorin privat të punës, për shkak të games së gjerë të mundësive për profile të ndryshëm që ky sektor ofron, e që pjesëtarët e përgatitur profesionalisht në FSK, të shkolluar si rezultat I mbështetjes financiare të Qeverisë, janë shënjestër e kompanive të mëdha”, thuhet nga Ministria e Mbrojtjes

Po ashtu, në përgjigje u tha se prioritet kryesor I Qeverisë është ngritja e kapaciteteve profesionale dhe operacionale të FSK-së.

“Është prioritet i qeverisë që fuqizimi i ushtrisë të ndiqet pastaj dhe nga përmirësimi i mirëqenies së ushtarakëve. Ushtria është shërbim ndajvendit, do të thotë besnikëri, sakrificë, vetëmohim, prandaj dhe duhet bërë një dallim ndërmjet një vendi të zakonshëm pune dhe gatishmërisë për t’i shërbyer atdheut. FSK nuk shënjestron qytetarë që duan t’I bashkohen Forcës së Sigurisë së Kosovës përpagë, por ata që janë të gatshëm t’i shërbejnë atdheut 24/7”, thuhet tutje.

E sipas deputetit të Partisë Demokratike të Kosovës, Hisen Berisha numri i ushtarëve që janë larguar është më i lartë se ai që kanë dhënë nga Ministria.

“Trendi i largimit është shqetësues. Nuk është i përmasave numerike që është dhënë, është edhe më i madh. Ne duhet me sqaru problemin në burim, pse po motivohen me u largu?”, ka thënë Berisha.

Sipas tij, motivimi i ushtarëve ka rënë për shkak të kushteve të shërbimit.

“Sot në qet Kosovën tonë, në restorantet tona në sezon, kamarierët kanë arritur pagën në 3000 mijë euro, e një ushtar që ende e mer një pagë bruto 520 euro, nuk mundet ta përballojë më jetën. Prandaj kushtet e shërbimit janë ato që i detyrojnë të largohen. Kushtet e shërbimit nuk krijohen me korrupsion”, ka thënë ai.

Në përgjigje të Ministrisë u tha gjithashtu se janë në process të rekrutimit edhe të 300 ushtarëve, duke e çuar kështu në 2 mijë e 271 numrin e të rekrutuarve.

Derisa u bë e ditur se janë ngritur për 39 % pagat e pjesëtarëve të FSK-së dhe se buxheti i investuar në fushën e mbrojtjes është 239 milionë euro.

Raportuesi Special i Kombeve të Bashkuara (OKB) për të Drejtën e Strehimit, Balakrishnan Rajagopal, deklaroi se një milion njerëz në Gaza kanë nevojë për materiale urgjente strehimi përpara sezonit të dimrit, transmeton Anadolu.

Rajagopal ndau një postim në X në lidhje me nevojat në Gaza, e cila ka qenë nën sulme intensive nga Izraeli që nga 7 tetori 2023.

“Një milion njerëz në Gaza kanë nevojë për materiale emergjente strehimi përpara dimrit”, ka deklaruar Rajagopal, duke bërë thirrje për veprim të menjëhershëm në këtë drejtim.