Category: Shëndetësi

Ndryshimet klimatike dyfishojnë takimin me alergjitë sezonale: jo vetëm në pranverë, por gjithnjë e më shpesh edhe në vjeshtë për shkak të rilulëzimit të bimëve të ndryshme për shkak të klimës anormale të nxehtë.

Një fenomen që prek gjithnjë e më shumë dhe që tek fëmijët çon në një bashkëshoqërim shqetësues mes fillimit të alergjive në vjeshtë dhe rikthimit në shkollë që lehtëson qarkullimin e viruseve.

“Ngrohja globale dhe ndotja e ajrit po zgjasin dhe ndryshojnë sezonin e polenit, duke rritur kohëzgjatjen dhe intensitetin e tij, me një rritje të rasteve të alergjive respiratore. Prandaj sistemi shëndetësor duhet të jetë gati për të menaxhuar këto ndryshime, duke nxitur ndërgjegjësimin më të madh të pacientëve dhe garantimin e aksesit homogjen në kujdes në të gjithë territorin kombëtar”, deklaron Lorenzo Cecchi presidenti i Shoqatës së Imunologëve Territorialë dhe Spitalorë Italianë (Aaiito).

‘’Sidomos te fëmijët, alergjitë e vjeshtës mbivendosen me infeksione virale që lidhen me kthimin në shkollë, duke krijuar fotografi në të cilat është e vështirë të dallosh llojin e patologjisë”, nënvizon eksperti.

Në botë miliona njerëz vuajnë nga alergjitë respiratore dhe pritet që deri në vitin 2050, mbi 50% e popullsisë së botës të preket nga alergjitë.

Një çështje tjetër në qendër të vëmendjes është kalimi nga fëmijëria në moshën madhore, që paraqet një fazë kritike.

Kalimi nga kujdesi pediatrik tek i rrituri, në fakt, përfaqëson një moment delikat për pacientët me sëmundje kronike alergjike, si astma dhe dermatiti atopik.

Vlerësohet se afërsisht 2.5% e fëmijëve vuajnë nga astma e rëndë dhe, pa vazhdimësi adekuate terapeutike.

Rreziku i komplikimeve rritet ndjeshëm. Tranzicioni midis kujdesit pediatrik dhe atij të të rriturve është një fazë delikate sepse shumë adoleshentë ndalojnë ndjekjen e terapive, me pasoja të rënda në menaxhimin e sëmundjeve kronike’’, thotë Cecchi.

Vitamina D është thelbësore për ruajtjen e kockave të shëndetshme, mbështetjen e funksionit imunitar dhe rregullimin e humorit.

Kujdesi për një marrje të mjaftueshme ditore të vitaminës D është veçanërisht e rëndësishme gjatë muajve të ftohtë, kur shumë njerëz kalojnë dukshëm më pak kohë në diell. Ju mund ta merrni këtë vitaminë përmes suplementeve, por edhe duke konsumuar ushqime që janë natyralisht të pasura me të.

Siç raporton Eating Well, marrja e rekomanduar ditore e vitaminës D për shumicën e të rriturve është 600 IU (një njësi matëse ndërkombëtare për efektin ose aktivitetin biologjik të një substance), duke u rritur në 800 IU për njerëzit mbi 70 vjeç. Më poshtë I gjeni tre lloje peshqish që janë të pasur me vitaminë D dhe që duhet t’i hani më shpesh.

Trofta

Trofta është një burim i shkëlqyer i vitaminës D; një porcion 85 gram siguron 645 IU, që është më shumë se 100 për qind e marrjes së rekomanduar ditore për shumicën e të rriturve. Kjo e bën atë një nga burimet më të pasura natyrore të vitaminës D. Përveç vitaminës D, trofta është e pasur me proteina të cilësisë së lartë dhe acide yndyrore omega-3 që ndihmojnë në luftimin e inflamacionit dhe mbështesin shëndetin kardiovaskular.

Salmoni

Salmoni është një nga burimet më të pasura natyrore të vitaminës D. Një porcion prej 85 gramësh salmoni i gatuar siguron rreth 570 IU vitaminë D, duke mbuluar rreth 95 për qind të nevojave tuaja ditore. Salmoni i egër tenton të ketë më shumë vitaminë D sesa salmoni i kultivuar, por të dy janë burime të shkëlqyera. Gjithashtu, salmoni është i pasur me acide yndyrore omega-3 që mbështesin shëndetin e trurit dhe zemrës dhe ndihmojnë në reduktimin e inflamacionit, shkruan Eating Well, transmeton Klankosova.tv.

Sardelet

Vetëm dy sardele ofrojnë 46 IU vitaminë D, që është pak më shumë se sasia që do të gjeni në një vezë, shkruan Index.hr, transmeton Klankosova.tv. Sardelet janë gjithashtu të pasura me kalcium, vitaminë B12 dhe acide yndyrore omega-3, duke i bërë ato një zgjedhje të shkëlqyer për të mbështetur shëndetin e kockave dhe zemrës. Plus, nëse i blini të konservuara, ato janë një mënyrë e shpejtë dhe e lehtë për të shtuar proteina dhe lëndë ushqyese në vaktet tuaja. Sardelet janë perfekte në bukë të thekur, në sallata ose të përziera me makarona.

Është i pakuptimtë fakti se, shumë njerëz, nuk e vizitojnë oftalmologun asnjëherë për dhjetë vite. Disa të tjerë, për shkak të përcaktimit të dioptrisë dhe nevojës për të mbajtur syza, në vend të oftalmologut, vizitojnë teknikët e optikave dhe institucione të dyshimta ku nuk mund të shikohet fundusi i syrit dhe as të matet tensioni i syrit ose bëjnë blerjen e syzave në treg

Prof. Ass. Afrim Shabani, dr.sci.
Oftalmolog
Tel. 044 208 307

Për shkakun e lartpërmendur, është një rrezik i madh që të mos zbulohen sëmundjet e rënda të syrit, të cilat në fillim mund të mos kenë fare simptome (retinopatia diabetike, glaukoma). Këto sëmundje, në stadet përfundimtare, mund të shkaktojnë dëmtim të rëndë të syrit ose verbim të plotë.

 

Shumë njerëz të cilët nuk dinë të ruajnë sytë dhe janë të gatshëm që për një dhimbje shumë të vogël ose për një infeksion shumë të lehtë, pa konsultim me oftalmologun, shkojnë në barnatore dhe marrin pika për sy ose vendosin në sy ilaçe të ndryshme nga mjekët popullorë.

Pasojat mund të jenë të rënda dhe afatgjata. Sytë që të jenë të shëndoshë, duhet t’i ruajmë, duhet bërë kontrollet e rregullta, sepse vetëm mjeku përkatës mund të jap këshillat e nevojshme dhe të duhura.

Përcaktimin e dioptrisë nuk guxon ta bëjë personi jo përgjegjës, siç janë, teknikët e optikave (opticientët) ose dikush me një shkollim tjetër, por vetëm oftalmologu ose optometristi.

Mjekësia alternative

Problemi më i madh në shërimin e syve me mjekësi alternative është se nuk ekziston dëshmia shkencore për veprimin e atij bari. Për përdorimin e preparateve të tilla nuk ekziston ndonjë ligj i cili lejon përdorimin e tyre.

Për shumicën e preparateve, nuk dihen efektet apo veprimet anësore dhe sa janë toksike pas përdorimit afatgjatë. Te përdorimi i këtyre preparateve, njerëzit nuk kanë njohuri për raportin e dozës që marrin me përgjigjen e organizmit për këto preparate dhe këtu është, pikërisht, rreziku më i madh.

 

Vetëshërimi

Në praktikën tonë kemi hasur raste të tentimeve shumë të çuditshme të shërimit me rrugë natyrale.

Qumështi i gjirit të nënave që ushqejnë fëmijët: disa njerëz për shembull, te infeksionet e syve, përdorin qumështin e gjirit, i cili vetëm sa e përshpejton zhvillimin e infeksionit.
Alkooli: Kemi takuar edhe pacient të cilët kanë përdorur alkool në sy, i cili shkakton një lëndim të rënd kimik të syrit.
Kokërr sheqeri: kanë ekzistuar më parë gra të moshuara që kanë përdorur kokrrën e sheqerit për shërimin e syrit, por të cilat kanë shkaktuar lëndime të rënda të syrit dhe të pashërueshme.
Kamomili: shpëlarja me kamomil, nuk shkakton ndonjë rrezik drastik, por vet kamomili nuk ka ndonjë veprim të shprehur antibakterial dhe ndonjëherë mund të shkaktojë reaksion alergjik në sy.

 

Rreziku

Dhënia e barnave pa përshkrim të mjekut është një problem i madh në mjekësi në përgjithësi, ndërsa në oftalmologji në veçanti. Marrja e pikave për sy pa përshkrim të mjekut të syve, për dallim nga disa barna tjera, nuk shkaktojnë vdekje, por mund të shkaktojnë ndryshime të rënda dhe të pakthyeshme, si në sipërfaqen e syrit, ashtu edhe në tërë kokërdhokun e syrit.

Përdorimi afatgjatë i pikave mund të shkaktojë zgjerim të enëve të gjakut siç është proculina.

Shumë antibiotikë mund të shkaktojnë efekte të padëshirueshme prej atyre toksike për shkak të përmbajtjes së konzervansëve, ndryshime në sipërfaqen e syve, reaksion alergjik deri në shkatërrimin e florës normale të syve.

Më të rrezikshmet prej pikave të cilat mund të blihen pa përshkrimin e mjekut janë pikat me kombinim të kortikosteroidëve dhe antibiotikëve. Kemi pasur raste kur përdorimi jokritik i këtyre pikave në rastet me infeksion të syrit me herpes virus ose te erosionet e kornesë është shkaktuar perforim i kornesë. Në këtë rast përveçse mund të humbet të pamurit, mund të humbet syri edhe si organ.

Një nga sëmundjet më të përhapura të globit është pa dyshim diabeti, e sidomos diabeti i tipit 2.

Diabeti është cilësuar nga Organizata Botërore e Shëndetësisë si sëmundja e shekullit.

Kryesisht për personat me probleme të mbipeshës, histori të sëmundjes së diabetit në familje apo ata që vuajne nga paradiabeti kujdesi duhet të jetë shumë i madh.

Ka raste, kur sëmundja përkeqësohet dhe shkakton pasoja të rënda që nënvizojnë nevojën urgjente për të shkuar tek mjeku.

Në këtë artikull nga AgroWeb.org do të mësoni rastet kur një diabetik duhet të shkojë menjëherë në urgjencë.

Hiperglicemia

Hiperglicemia ndodh kur nivelet e sheqerit janë tepër të larta.

Nëse ky problem nuk trajtohet siç duhet, gjaku bëhet acidic dhe dëmton qelizat.

Njeriu rrezikon të bjerë në koma ose të humbasë jetën.

Simptomat e hiperglicemisë janë:

Etje e madhe

Urinim i shpeshtë

Të përziera ose të vjella

Mjegullim i shikimit

Frymëmarrje e shpejtë

Humbje e ndjenjave

Hipoglicemia

Hipoglicemia ndodh kur nivelet e gjakut në sheqer janë tepër të ulëta.

Nëse një diabetik nuk është në gjendje të rrisë nivelet e sheqerit në gjak, atëherë ai rrezikon të bjerë në koma ose të humbasë jetën

Simptomat e hipoglicemisë janë :

Të dridhura ose dobësi

Dhimbje koke

Marramendje

Shikim të dyfishtë

Konfuzion

Humbje e ndjenjave

Lëndimet në Këmbë

Diabeti dëmton nervat dhe rrjedhimisht shkakton mpirjet e këmbëve.

Kësioj një diabetik nuk është i vetëdijshëm për lëndimet që mund të pësojë në këmbë, gjë që më pas do i detyrojë mjekët ta amputojnë atë.

Sigurohuni që të kontrolloni shëndetin e këmbëve çdo ditë.

Ataku në Zemër

Diabeti i katërfishon gjasat e atakut në zemër.

Simptomat e hipoglicemisë janë :

Dhimbje dhe shtrëngim në kraharor

Dhimbje në pjesën e shpinës, shpatullës, qafës, nofullës.

Marrje e frymës.

Gjatë një ataku në zemër, çdo sekond ka rëndësi, ndaj duhet të shkoni menjëherë tek mjeku.

E njëjta gjë vlen edhe për isheminë.

Dështim Të Veshkave

Diabeti është i lidhur fort me sëmundjet e veshkave.

Përveç analizave të urinës, një diabetik duhet të tregojë kujdes ndaj këtyre simptomave.

Tension i lartë i gjakut

Urinim i shpeshtë

Enjtje të kyçeve dhe këmbëve

Nevojë e pakët për insulinë.

Mishi i pulës është ushqimi më i përdorur në botë dhe për mijëra vjet.

Ka lloje të ndryshme të pulave dhe përfitimet shëndetësore që jep mishi i tyre varet nga mënyra se si janë rritur.

Duke qenë e njohur në të gjithë botën për përmbajtje të proteinave, pulat kanë një gamë të gjerë të përfitimeve shëndetësore.

Mishi i pulës ka shumë proteina dhe është i pasur me vitamina dhe minerale.

Ndihmon në humbjen e peshës

Kontrollon presionin e gjakut

Ka veti anti-kancer

Redukton kolesterolin

Lufton gripin

Kur stresi zgjat për një kohë të gjatë shtohet rreziku i një sërë problemesh shëndetësore, përfshirë zhvillimin e sëmundjeve të rënda – shikoni se çfarë është në rrezik dhe si të mbroheni.

Shumica prej nesh përballen çdo ditë me stresin, i cili ndonjëherë mund të veprojë si stimulues, saqë na “nxjerrë” në zgjidhjen e problemeve dhe tejkalimin e sfidave, por nëse zgjat shumë, pa pushim dhe relaksim, stresi mund të çojë në një seri të problemeve në trup.

Një situatë stresuese e detyron trupin të prodhojë sasi më të larta të kortizolit, adrenalinës dhe noradrenalinës, të cilat stimulojnë një ritëm më të lartë të zemrës, rritje të gatishmërisë së muskujve, djersitje dhe vigjilencë më të madhe, por me kalimin e kohës mund të çojnë në dhimbje koke dhe probleme stomaku, nervozizëm, rritje të sheqerit në gjak, probleme me lëkurën, astmën, artritin, depresionin, deri në ankth dhe presion të lartë të gjakut.

Rritja e rrezikut të sëmundjes

Shkaqe të tjera të sëmundjeve të zemrës lidhen edhe me stresin – për shkak të tensionit të vazhdueshëm, njerëzit hanë shumë kripë dhe sheqer, gjë që rrit më tej rrezikun e sulmit në zemër dhe goditjes në tru. Si një reagim ndaj stresit, imuniteti dobësohet, gjë që shkakton ftohje afatgjatë dhe shpesh herpes.

Disa lloje të kancerit, si dhe disa sëmundje autoimune (p.sh., artriti reumatoid dhe skleroza e shumëfishtë) janë të lidhura me stresin. Ndryshe nga sa besohet, apo cigaret nuk lehtësojnë situatat stresuese, por mbajnë trupin përgjithmonë në një gjendje stresuese dhe në këtë mënyrë shkaktojnë edhe më shumë probleme.

Rreth 43 për qind e të rriturve vuajnë nga disa pasoja të pafavorshme shëndetësore për shkak të stresit, dhe rreth 75 deri në 90 për qind e njerëzve që vijnë te mjekët e përgjithshëm për një ekzaminim shkojnë për sëmundje dhe sëmundje të lidhura me stresin, raporton portali shëndetësor webMD.

Një burim stresi

Kontrolloni nëse burimi i stresit është brenda jush apo nëse janë disa rrethana të jashtme. Nëse burimi i stresit është brenda jush, mendoni nëse mund të ndryshoni diçka në mënyrën se si mendoni ose silleni. Flisni me veten. Hiqni dorë nga mendimet negative dhe vazhdoni.

Mbani veten të qetë

Nuk ka rëndësi moti përveç nëse bie shi. Përqendrohuni në rrethinën tuaj: vini re pemët, qiellin, formën e reve në qiell, drejtimin e tyre.

Nëse është me diell, ‘thithni’ diellin dhe ndjeni rrezet që ju ngrohin, nëse bie shi, përqendrohuni në zhurmën e spërkatjes së ombrellës ose mushamasë, ndjeni pikat në duar dhe fytyrë. Thjesht, mbani veten të qetë.

Pesë metoda për të përballuar stresin

Janë pesë metoda që mund të përdorni për të luftuar stresin, thotë psikologu Frank Lawlis. Gjëja më e rëndësishme është ndalimi i mendimeve stresuese, gjë që ndihmohet nga teknikat e frymëmarrjes dhe vendimi për të refuzuar stresin që i keni imponuar vetes.

“Kaloni programin tuaj të përditshëm ose një situatë stresuese dhe pyesni veten se sa e rëndësishme është. Ka gjëra që mund t’i hedhim poshtë lehtësisht si të parëndësishme”, shpjegoi Lawlis.

Teknika e tretë është puna në të menduarit pozitiv dhe ngritja e energjisë. Një nga mënyrat për ta bërë këtë janë ushtrimet e rregullta, por edhe të paktën gjysmë ore pushim në ditë. Merrni kohë për të praktikuar një mënyrë të re të të menduarit dhe për të festuar kur arrini të luftoni kundër stresit.

Mbani në mend se të gjithë reagojnë ndaj stresit ndryshe dhe se jo të gjitha metodat do të funksionojnë njësoj për të gjithë. Për shembull, dikush relaksohet duke vrapuar, ndërsa për dikë shkakton akoma më shumë stres.

Ushtrime relaksimi

Stimuloni sistemin nervor me frymëmarrje të thellë. Mundohuni të merrni frymë nga diafragma dhe përdorni të dy vrimat e hundës. Imagjinoni që po thithni ajër “të mirë” ose “të pastër” dhe po nxirrni të gjitha helmet dhe mendimet e këqija nga trupi juaj. Vizualizoni nxjerrjen e erës së keqe të gojës.

Largohuni nga mendimet e këqija

Qëllimi i relaksimit progresiv i zhvilluar nga mjeku Edmund Jacobson është të mësojë të relaksojë gradualisht trupin. Filloni nga pëllëmbët, krahët, shpatullat, pjesa e pasme e qafës, qafa, fytyra, shpina, stomaku, këmbët dhe të pasmet. Në këtë mënyrë do ta “detyroni” trupin të qetësohet.

Ndikimi i stresit

Më poshtë është një listë e disa prej problemeve të shumta me të cilat një person mund të përballet nëse është vazhdimisht i ekspozuar ndaj stresit:

-dhimbje koke të shpeshta dhe shtrëngime ose dhimbje të nofullës

-kërcëllim dhe kërcëllimë dhëmbësh

-belbëzimi dhe pauzat në të folur

-dridhje e trupit, dridhje e buzëve, duarve

-dhimbje në qafë, shpinë dhe spazma të muskujve

-marramendje, dobësi, marramendje

-zhurma në vesh ose tinguj të tjerë që nuk ekzistojnë

-skuqje të shpeshta dhe djersitje të tepërt

-duar të ftohta ose pëllëmbët e djersitura

-tharje e gojës dhe probleme me gëlltitjen

-ftohjet e shpeshta, herpes dhe infeksione

-skuqje të shpeshta dhe kruajtje të pashpjegueshme

-sulme alergjike më të forta dhe më të shpeshta

-urth, dhimbje barku, vjellje

-fryrje dhe erë

Kur jeni nën stres, mendërisht ose fizikisht, trupi papritmas ridrejton energjinë kundër tij. Sekretohet adrenalina dhe kortizoli, të cilat e bëjnë zemrën të rrahë më shpejt, rrisin presionin e gjakut dhe rrisin nivelin e glukozës në gjak.

Muskujt dhe kockat

Kur jeni të tensionuar dhe të stresuar, muskujt në trupin tuaj shtrëngohen. Nëse tkurrja e muskujve zgjat për disa kohë, mund të shkaktojë dhimbje koke tensioni, migrenë dhe probleme të ndryshme muskulo-skeletore.

Sistemi i frymëmarrjes

Nën stres, njerëzit shpesh neglizhojnë frymëmarrjen e duhur dhe marrin frymë më të vështirë, më të shpejtë dhe më të cekët, zakonisht përmes pjesës së sipërme të mushkërive. Kjo mund të çojë në sulme paniku në disa njerëz.

Zemra dhe venat

Stresi akut ose momental rrit ritmin e zemrës dhe kontraktimet e muskujve të zemrës janë më të forta. Episodet e shpeshta të këtij stresi mund të shkaktojnë inflamacion në arteriet koronare, gjë që mund të çojë në një atak në zemër.

Gjëndra

Kur trupi është nën stres, truri dërgon sinjale nga hipotalamusi për të stimuluar sekretimin e kortizolit dhe adrenalinës, të quajtura shpesh hormone të stresit. Dhe kur ato lëshohen, mëlçia prodhon më shumë glukozë.

Sistemi tretës

Stresi ju bën të hani më shumë ose më pak se zakonisht. Nëse hani më shumë ose pini duhan më shumë mund të vuani nga urthi ose refluksi i acidit. Stresi i rëndë gjithashtu mund të shkaktojë të vjella.

Në këtë artikull të AgroWeb.org do të keni mundësinë të merrni informacione të sakta mbi vlerat e kombinimit të lëngut të karrotës dhe portokallit.

Vitamina C

Nëse përfshini lëngun e karrotës dhe portokallit në dietën tuaj, do të plotësoni dozën e rekomanduar ditore të vitaminës C.

Një gotë normale me lëng të nxjerrë nga një sasi e barabartë karrotash dhe portokallesh ku mund të shtoni edhe pak panxhar përmban 85 përqind e dozës së rekomanduar ditore të kësaj vitamine për femrat dhe 71 përqind për meshkujt.

Vitamina C forcon prodhimin e kolagjenit dhe ndihmon në prodhimin e energjisë.

Vitamina A

Një racion i lëngut të karrotës dhe portokallit është një burim i shkëlqyer i vitaminës A.

Në çdo gotë do të gjeni përafërsisht 508 përqind të dozës së rekomanduar për meshkujt dhe 652 përqind të asaj të rekomanduar për femrat.

Vitamina A ndihmon në zhvillimin e indeve, ruan shëndetin e sistemit imunitar, qelizat e kuqe të gjakut dhe lëkurën.

Kjo vitaminë mbështet funksionet e retinës së syrit dhe përmirëson shikimin.

Folati

Lëngu i karrotës dhe portokallit ofron folat, ose vitaminën B-9 që ndihmon në metabolizmin e acideve nukleike dhe amino acideve, përbërës që janë pjesë e ADN-së dhe proteinës.

Një dietë e pasur me folat e bën jetën tuaj më të gjatë.

Folati mbron kundër difekteve në lindje dhe komplikimeve të tjera tek femrat shtatzënë.

Një gotë normale me lëng karrote dhe portokalli përmban 146 mikrogram folat ose 37 përqind të dozës së rekomanduar ditore.

Vlera të tjera

Pirja e lëngut të karrotës dhe portokallit ofron ushqyes të tjerë të dobishëm për qarkullimin e gjakut. Ky lëng përmban 732 miligramë kalium, ose 16 përqind të dozës së rekomanduar ditore.

Kaliumi ul tensionin e gjakut dhe ndjeshmërinë ndaj ndikimit të kripës në rritjen e tensionit.

Jeni në kërkim të një recete të thjeshtë dhe të shijshme të cilën mund ta ndani me të gjithë familjen?

Karrotat dhe portokallet, në sasi të barabarta, funksionojnë mirë së bashku dhe janë një burim i shkëlqyer i vitaminës C e cila ndihmon organizmin të përthithë më mirë hekurin.

Të dyja ofrojnë beta karoten që kthehet në vitaminë A dhe ju ndhmon të keni një paraqitje rinore nëpërmjet sasive të larta të kolagjenit dhe sistemit të fuqizuar imunitar.

Përbërësit:

• 2 Karrota
• 2 Portokalle

Qërojini portokallet dhe shtoni të gjithë përbërësit e tjerë në shtrydhësen e frutave.

Receta e lëngut të karrotës, portokallit dhe xhenxhefilit

Koha e nevojshme: 5 minuta
Racionet: 2

Përbërësit

• 6 karrota
• 1 portokall
• 1 copë xhenxhefil
• 1 kastravec nëse dëshironi

Udhëzimet

Pasi keni qëruar portokallet dhe larë karrotat, shtoni të gjithë përbërësit në shtrydhësen e frutave.

Nëse dëshironi mund të qëroni edhe kastravecin dhe xhenxhefilin. Përzijeni lëngun dhe pijeni menjëherë që të mos lejoni oksidimin e tij.

Një hamburger me një lëng mund të jetë joshëse për një drekë të shpejtë ose një darkë të rastësishme dhe ju mund të gjeni një ‘fast-food’ thuajse në çdo cep të rrugës.

Pavarësisht se sa të shijshëm janë hamburgerët mund t’iu shëndoshin dhe kanë efekte të tjera në shëndetin tuaj.

Qasja më e shëndetshme është që këtë ushqim të shijshëm ta lëni për ta ngrënë në raste të caktuara dhe hani në përditshmëri ushqime të tjera më të shëndetshme.

Por këtu po ju paraqesim efektet negative që ka hamburgeri për shëndetin tuaj:

Shtimi në peshë- për shkak se përmban shumë kalori

I dëmshëm për zemrën-yndyra e tepërt ndikon në rritjen e nivelit të kolesterolit në gjak

Presion i lartë i gjakut – hamburgeri përmban një sasi të lartë të natriumit, i cili mund të shkaktojë presion të gjakut, sulm të zemrës si dhe sëmundje të veshkave.

Për të shmangur këto rreziqe që sjell ky ushqim i shpejtë ju duhet të paktën të konsumoni sallatë jeshile me perime tjera apo edhe fruta. Por më e mira që mund të zgjidhni në një ‘fast-food’ është të porosisni një sallatë pule të kombinuar me fruta të thata.

Gjatë sezonit të shirave, nivelet e lagështirës rriten, dhe bashkë me trysninë në ajër dhe ndryshimin e papritur të temperaturave, ato shkaktojnë dhimbje të nyjeve, ngurtësim të muskujve si dhe dhimbje të lëndimeve më të hershme tek shumica e njerëzve.

Kockat ju dhëmbin më tepër gjatë shirave, gjë që e vështirëson kryerjen e aktiviteteve të zakonshme. Gjithashtu ekspertët mjekësorë shpjegojnë se nivelet e shtuara të lagështirës në ajër mund të trashin gjakun, të rrisin tensionin në enët e gjakut si dhe ta bëjnë më të vështirë për trupin të furnizohet me gjak.

Në vazhdim, ditët e lagështa mund të shkaktojnë dehidratim, gjë që prodhon më pak akumulim lëngjesh rreth e rrotull nyjeve, që gjithashtu mund të shtojë dhimbjen. Këto faktorë, ndikojnë edhe në përkeqësimin e artritit.

Një pjesë e madhe e njerëzve, sidomos ata mbi 60 vjeç ankohen për dhimbje ose bllokim muskujsh.

Këto janë mënyrat më të mira për t’ju ndihmuar të lehtësoni dhimbjen e muskujve dhe nyjeve tuaja.

Masazhimi i zonave të prekura me vaj të ngrohtë ndihmon në përmirësimin e qarkullimit të gjakut.

Njerëzit që vuajnë nga probleme me nyjet apo kockat këshillohen mos të përdorin kondicioner pasi kjo mund ta përkeqësojë dhimbjen.

Aktiviteti fizik është provuar të sjellë mirësi nga më të ndryshmet për shëndetin e njeriut në përgjithësi, por sidomos për dhimbjet dhe bllokimet e lidhura me kockat dhe muskujt.

Mos harroni të bëni ecje në mëngjes, shtriqni muskujt – një praktikë e njohur si stretching – mund të praktikoni joga me fokus ushtrimet e frymëmarrjes dhe diafragmës për të ripozicinuar qëndrimin tuaj dhe të shtyllës suaj kurrizore, ushtroni këmbët tuaja ose praktikoni xhiro me biçikletë në mënyrë që t’i mbani nyjet, kyçet, kockat e muskujt tuaj në formë.

Vitamina E mund të ndihmojë në lehtësimin e dhimbjeve. Njihet si anti-oksidant që e mbron trupin.

Vitamina E gjithashtu ju ndihmon të ulni inflamacionin. Arrat, frutat e thata, zarzavatet jeshile, farat dhe peshku janë një burim i mirë i vitaminës E.

Mos harroni të hani drithëra të plota, bajame, arra dhe fruta. Shmangni sheqerin, ëmbëlsirat, ushqimet me përbërës artificial apo përdorimin e shpeshtë të turshive.

Coca Cola, pije me gaz, ushqime me shumë vaj, të procesuara apo të konservuara mund ta përkeqësojnë dhimbjen. Supa e nxehtë mund t’ju ndihmojë për të ulur inflamacionin në trup.

Pini sa më shumë ujë për të qenë të hidratuar dhe për të përmirësuar elasticitetin e nyjeve tuaja.
Ulni konsumimin e sodium-it për të kontrolluar akumulimin e ujit dhe inflamacionin në trup.

Një dietë e pasur në kalcium dhe proteina mund të ketë një efekt të jashtëzakonshëm në shëndetin tuaj.

Mungesa e vitaminës D dhe B12 mund të shkaktojë ndjesinë e mpirjes, dhimbjes apo edhe dridhjen e nyjeve tuaja.

Burime të vitaminës D janë peshku më yndyrë si salmoni, mishi i kuq, mëlçia, e verdha e vezës etj., ndërsa burime të vitaminës B12 janë mishi, peshku, vezët dhe bulmeti.

Sasi të vogla të mykut ndodhen kudo, në ajër ose në sipërfaqe të ndryshme.

Lavamanët që kanë rrjedhje, dirtaret e izoluara dobët, kuzhina, bodrumi dhe dushi janë disa nga vendet më të zakonshme ku krijohet myku.

Llojet e dëmshme të mykut mund të shkaktojnë alergji, helmin ose infeksione patogjene.

AgroWeb.org në këtë artikull ju njeh me efektet e padëshirueshme shëndetësore, që lidhen me praninë e mykut në ambientin ku jetoni ose punoni.

Si ndikon myku në trupin tuaj?

Simptomat më të shpeshta të lidhura me mykun, janë alergjitë dhe astma.

Simptomat e ekspozimit ndaj mykut varen nga personi, gjatësia e ekspozimit dhe llojet e mykut.

Gjithashtu ato ndryshojnë nga njëri person në tjetrin, sepse gjenetika individuale luan një rol në mënyrën se si trupi juaj reagon kur ekspozoheni ndaj tij.

Por mbetet e vështirë t’i atribuohet çdo simptomë vetëm pranisë së lagështirës dhe mykut.

Kjo për shkak se ekspozimi mykut mund të shoqërohet një kohësisht me ekspozimin ndaj mikorbeve ose baktereve, të cilat mund të shkaktojnë probleme më vete, ose mund të përkeqësojnë sëmundjet ekzistuese. Kjo është arsyeja se pse mund të jetë sfiduese marrja e një diagnoze.

Sidoqoftë, studime të ndryshme ku AgroWeb.org mbështetet, kanë zbuluar lidhje të mundshme midis simptomave të mëposhtme dhe ekspozimit ndaj mykut.

Probleme me frymëmarrjen dhe mushkritë

Kollitja, rrjedhja e hundëve, ethet ose gulçimi shoqërohen zakonisht me ekspozimin e mykut të të gjitha llojeve.

Kujtesë e dobët

Ekspozimi i vazhdueshëm ndaj mykut në ambjentet e banimit ose të punës, mund të dobësojnë kujtesën tuaj dhe të përkeqësojnë sëmundje të tilla si ajo e Alzheimerit. Megjithatë studimet ende nuk kanë dalë në përfundime të sigurta.

Lodhje kronike

Sindroma e lodhjes kronike, ka një lidhje të fortë mes pranisë së baktereve ose mikrobeve dhe ekspozimin ndaj mykut.

Një studim i vitit 2013 ku AgroWeb.org u bazua, zbuloi se 93% e atyre me lodhje kronike rezultuan pozitivë për praninë e tyre në organizëm.

Probleme me sistemin tretës

Të vjellat, diarreja dhe dhimbjet e barkut janë simptoma të problemeve me tretjen, që lidhen edhe me ekspozimin ndaj abienteve me prani të mykut.

Sa më gjatë të jetoni ose të punoni në ambiente ku ka parani të mykut, aq më serioze mund të bëhen simptomat tuaja.

Nëse keni prani të mykut në shtëpi, duhet të merrni masat e duhura paraprake dhe të kuptoni që ekspozimi i vazhdueshëm ndaj tij, mund të shkaktojë probleme shëndetësore ose të përkeqësojë ato aktualet.