Category: Uncategorized

etetet

Kryeqyteti i Maqedonisë së Veriut mëngjesin e sotëm është mbuluar nga mjegulla e dendur, teksa Shkupi sërish gjendet në mesin e dhjetë qyteteve më të ndotura në botë, raporton Anadolu.

Mjegulla në luginën e Shkupit ka reduktuar ndjeshëm dukshmërinë, duke vështirësuar trafikun.

Drejtoria për Punë Hidrometeorologjike paralajmëroi se në mëngjes do të ketë kushte për paraqitje të mjegullës nëpër lugina në të gjithë Maqedoninë e Veriut. Në Shkup, gjatë ditës është parashikuar mot me diell me vranësira të vogla dhe me erë të dobët jugore.

Ndërkohë, sipas të dhënave të publikuara në IQAir, Shkupi sërish radhitet në mesin e dhjetë qyteteve me ajrin më të ndotur në botë, respektivisht në vendin e dhjetë dhe bën pjesë në kategorinë e “pashëndetshme” me vlerë të Indeksit të Cilësisë së Ajrit (AQI) prej 156.

Nga vendet e rajonit, Sarajeva radhitet e treta me vlerë të AQI-së prej 225.

IQAir është një kompani teknologjike zvicerane që nxit individët, organizatat dhe qeveritë të përmirësojnë cilësinë e ajrit përmes informacionit dhe bashkëpunimit.

Kreu i Kombeve të Bashkuara po kërkon përfundimin e luftimeve në Gaza pas një sulmi tjetër vdekjeprurës në një strehë të OKB-së për mijëra civilë të zhvendosur nga lufta.

“Sekretari i Përgjithshëm u bën thirrje të gjitha palëve që të përmbahen nga përdorimi i shkollave, strehimoreve dhe zonave përreth tyre për qëllime ushtarake. Të gjitha palët në konflikt kanë detyrimin të respektojnë ligjin ndërkombëtar humanitar në çdo kohë”, tha zëdhënësi i Antonio Guterres, Stephane Dujarric.

“Sekretari i Përgjithshëm përsërit thirrjen e tij për një armëpushim të menjëhershëm dhe lirimin e menjëhershëm dhe pa kushte të të gjithë pengjeve që mbahen në Gaza. Kjo dhunë e tmerrshme duhet të ndalet.”

Policia e Kosovës ka mbyllur gjashtë njësi të të ashtuquajturës Bankë Postare e Kursimeve (Banka Postanske Stedionica) si institucion i jashtëligjshëm financiar i Serbisë në territorin e Republikës së Kosovës, transmeton Anadolu.

Policia ka bërë të ditur se operacioni i tyre në gjashtë lokacione të katër komunave në veri të Kosovës, erdhi pas raportimeve të institucioneve monitoruese financiare, si Njësia e Inteligjencës Financiare dhe Banka Qendrore e Kosovës, së bashku me Administratën Tatimore të Kosovës, bazuar në autorizim të prokurorit kompetent.

Në një reagim në rrjetet sociale pas këtij operacioni, ministri i Brendshëm i Kosovës, Xhelal Sveçla, tha se ky operacion u zhvillua në bashkëpunim dhe koordinim me institucionet përkatëse të Kosovës dhe organeve të drejtësisë.

“Sundimi i rendit dhe ligjit, shërbimi ndaj të gjithë qytetarëve pa asnjë dallim do të vazhdojë të jetë qëllimi ynë për të cilin jemi zotuar në vazhdimësi. Përgëzoj të gjitha institucionet për bashkëpunimin dhe suksesin e treguar”, shkroi Sveçla.

Në këtë operacion të zhvilluar në veriun e banuar me shumicë serbe, morën pjesë edhe pjesëtarë të KFOR-it dhe EULEX-it.

Operacioni vjen një javë pasi Banka Qendrore e Kosovës (BQK) njoftoi se ka përfunduar afati tranzitor për rregulloren e saj, që ndalon përdorimin e dinarit serb për kryerjen e pagesave.

Në veri qytetarët serbë ende paguhen me dinarë për ndihma sociale dhe pensione nga Serbia.

Pyetje: A lejohet mbajtja fshehtë e martesës?

Përgjigje: Jo nuk lejohet.
– Profeti(alejhi selatu ueselam) ka thënë:
“Publikojeni martesën!”
E transmeton Imam Ahmedi dhe e saktëson Shejh Albani dhe Shejh Shuajb El-Arnauti.
– Dhe ka thënë gjithashtu:
“Ndarje mes hallallit dhe haramit është dajrja dhe zëri në martesa” dmth: t’i bihet dajres dhe të këndohet në martesa.
E transmeton Tirmidhiu, Nesai, Imam Ahmedi etj dhe e saktëson Shejh Albani.

▪️Shejhu i Islamit Ibn Tejmije(Allahu e mëshiroftë), kur flet rreth kushteve për saktësimin e martesave thotë:
“Kushtëzimi i martesës vetëm me dëshminë (dmth: të merret për bazë vetëm dëshmia e dëshmitarëve) nuk ka bazë në Kuran dhe në Sunet”.
– Ai mendon se origjina te aktet e martesave është publikimi dhe jo dëshmia e dëshmitarëve, pasi nuk ka ardhur asnjë urdhër në Kuran për dëshmi në aktet e martesave, siç ka ardhur për aktet e shitblerjeve. Prezenca e dëshmitarëve –sipas tij- është kërkuar për kthimin pas ndarjes së një çifti të martuar, siç është përmendur në suren Talak dhe nuk është kërkuar për aktet e reja të martesave, pasi për martesat e reja është kërkuar publikimi i cili është rreth më i gjerë se dëshmia. Ndërsa hadithi: “Nuk ka martesë veçse me pëlqimin e kujdestarit dhe dëshminë e dy dëshmitarëve” shumë prej dijetarëve nuk e konsiderojnë fjalë të saktë profetike. Prandaj Imam Ahmedi –Allahu e mëshiroftë- thoshte: “Nuk është saktësuar nga Profeti -alejhi selam- asnjë hadith në lidhje me dëshminë në martesa”.
Prandaj selefët, siç thotë Shejhu i Islamit Ibn Tejmije, nuk e kishin me doemos prezencën e dëshmitarëve në martesa, sepse ata interesoheshin për publikimin dhe kështu arrihej më shumë sesa me prezencën e tyre. Madje ai supozon se sikur dikush ta martojë bijën e tij me dikë (pa dëshmitarë) dhe pastaj të dalë bashkë më të dhe ta publikojë që ta dëgjojnë njerëzit, apo nëse vijnë njerëzit dhe dëshmitarët pasi ata të kenë bërë aktin dhe ata ti njoftojnë se janë martuar, kjo gjë është e mjaftueshme që martesa e tyre të jetë e saktë.

▪️Kështu, origjina te martesat është publikimi dhe jo dëshmia. Edhe nëse saktësohet fjala e Profetit -alejhi selam-: “Nuk ka martesë veçse me pëlqimin e kujdestarit dhe dëshminë e dy dëshmitarëve” siç e konsiderojnë të tillë shumë dijetarë, nuk është qëllimi që ajo të mbetet mes tyre, por qëllimi është që dëshmia të jetë mënyrë për të arritur te publikimi. E nëse dëshmitarët e mbajnë të fshehtë, atëherë saktësia e një martese të tillë është e diskutueshme.
– Shejhu i Islamit, Ibn Tejmije(Allahu e mëshiroftë) gjithashtu citon:
“Ajo që nuk ka dyshim në të është se martesa e cila përmban vetëm publikim është e saktë edhe pa dëshmitarë. Ndërsa me dëshmitarë dhe mbajtje të fshehtë të saj është e diskutueshme. Ndërsa kur bashkohen dëshmia dhe publikimi kjo është ajo për të cilën nuk ka kundërshtim në saktësinë e saj. Ndërsa, kur nuk ka as dëshmi dhe as publikim kjo është kotësi sipas mendimit të të gjithëve”.
Shih çështjen në librin me titull “Mexhmu El-Fetaua”: 32/127-130.

▪️Pse publikimi i martesave?
– Publikimi i martesave duhet sepse nga martesat lindin detyra dhe të drejta. Prej detyrave është njohja e farefisnisë, ndërsa prej të drejtave është: prejardhja, kujdestaria (shpenzimet e detyrueshme), trashëgimia etj. Nëse martesa mbahet e fshehtë këto detyra dhe të drejta mund të mohohen dhe të shkelen dhe kështu do të rezultojë prej saj kundërshtim i ligjeve të Zotit dhe padrejtësi e madhe.
– Po ashtu mbajtja e fshehtë e saj është shkak për prishjen e imazhit dhe për shthurje morale duke i hapur rrugën çdo njeriu të shthurur të bëjë çfarë të dojë.
– Një martesë e fshehtë, edhe nëse nis si lidhje e sinqertë, mbetet lidhje e brishtë dhe bie për problemin më të vogël që mund të haset.

Hoxhë Dr. Abdullah Nabolli

Ramazan o muaj i bekuar
Kënaqësinë tënde skemi me harruar

Me shum gëzim ne ty të pritëm
Por tash që shkove ne u mërzitëm

Një muaj me ty ne u gëzuam
Falëm teravi dhe agjëruam

Ardhja yte për ne ishte gëzim
Por tash na lëre neve në pikëllim

Në sofër të iftarit ti na bashkove
Xhamitë me xhemat na i hijeshove

Allahu të bekoi dhe të dha vyrtitin
Ahh sikur të rrinje me ne tërë vitin

Dhjetë ditët e para ishin Merhamet(1)
Dhjetë të mesmet ishin Magfiret (2)

Dhjetëshi i fundit sihariq për Xhennet
I mëshiruar është ky Ummet

Vëllezër të dashur të mos harrojmë
Pas Ramazanit mos të gabojmë

Kohët e namazit të mos i lëshojmë
Allahun kur të mos e hidhërojmë

Në Ramazan Xhamitë i stolisim
E pas Ramazanit të mos i bragtisim

Ibadeti nuk don eufori
Por gjithmon t’i zbatojmë urdhërat e Tij

U gëzua shpirti i çdo muslimanit
Me agjërim dhe lexim të Kur’anit

Të falemi ty o Perëndi
Që na dhurove muajin me plot mirësi

Të pasurit dhanë Zekatë dhe Sadaka
Të varfërit u gëzuan dhe bënë dua

O Zot të pasurit ruaj dhe jepu bereket
Vitin tjetër të jenë më mirë se sivjet

Në Ramazan ndodhi fitorja e Bedrit
Në Ramazan është nata e Kadrit

U ngrit mbi Qabe flamuri i lirisë
Të gjitha u arritën me ndihmën e Perëndisë

Për ikjen tënde sytë po lotojnë
Por Zotin tonë ne kurë s’e harrojmë

Atë gjithmonë ne e adhurojmë
Mëshirën e Tij gjithmonë e shpresojmë

Pasi që ti shkove nuk ndihemi mirë
Përse o i bekuar na the lamtumirë

Të lutemi Ramazan mos na harro
Eja vitin tjetër dhe na gëzo

Për ardhjen tënde unë nuk dyshoj
Por nuk di unë a do të takoj

Ndoshta nga kjo botë unë do të kaloj
E mirësinë tënde nuk do ta shijoj

Nëse këtu pari nuk më gjenë mua
Dije se nga kjo botë unë kam kalua

Mungesa ime ty nuk të pengon
Por mua për ty syri më loton

Vëllezër dhe motra një gjë po ju themë
Sikur gjith botën unë ta kemë

Aspak dobi nga ajo s’do të kemë
Ngase një ditë onlain nuk do të jemë

Nëse natën e Kadrit exheli im ka përfundua
Ramazani tjetër nuk do t’më takon mua

Nga ju vëllezër dhe motra një lutje e dua
T’i luteni Allahut që të më falë mua

Allahu juve të gjithëve ju bekoftë
Veprat e mira ua pranofë

Me gjith familjarët ju gëzoftë
Me Xhenetin Firdaus juve ju gradoftë