Category: Shkenca dhe teknologjia

Aplikacioni është një eksperiencë e unifikuar ku përdoruesit mund të lidhen me një pajisje Windows nga çdo pajisje e tjetër e mbështetur.

Ditën e djeshme Microsoft përmes një postimi në blog tha se Windows App më në fund ka mbërritur dhe është i disponueshëm për Windows, macOS, iOS, iPadOS dhe shfletuesit.

Aplikacioni është një eksperiencë e unifikuar ku përdoruesit mund të lidhen me një pajisje Windows nga çdo pajisje e tjetër e mbështetur.

Është një mënyrë e thjeshtë për tu lidhur përmes Microsoft 365, Azure Virtual Desktop, Remote Desktop, Remote Desktop Services ose Microsoft Dev Box.

Kjo do të thotë se në shumicën e platformave duhet të zëvendësoni çdo aplikacion remote desktop që përdorni me Windows App.

Por nuk është kjo e gjitha që Windows App mund të bëjë ndërsa vjen në shërbim të përdoruesve por edhe profesionistëve IT.

Aplikacioni i Windows synon përfundimisht të jetë një pikë referimi për menaxhimin efikas të përmbajtjes në pajisjet tuaja të lidhura. Sipas Microsoft, ai është gjithashtu i pajisur me funksione të avancuara të sigurisë, në mënyrë që të mund të punoni në mënyrë të sigurt nga çdo vend.

Aplikacionin mund ta shkarkoni duke vizituar Microsoft Store.

Risia e viteve të fundit me Inteligjencën Artificiale dhe ChatGPT-ja nuk gjen përdorimin ndër qytetarët e vendit, sipas anketës së Barometrit të Ballkanit 2024 që u realizua nga Këshilli i Bashkëpunimit Rajonal.

Anketa e fundit nga barometri i Ballkanit zbuloi se përgjithësisht, shqiptarët nga Shqipëria ishin më pak të lidhur me botën dixhitale.

Risia e viteve të fundit me Inteligjencën Artificiale dhe ChatGPT-ja nuk gjen përdorimin ndër qytetarët e vendit, sipas anketës së Barometrit të Ballkanit 2024 që u realizua nga Këshilli i Bashkëpunimit Rajonal.

Nga të pyeturit në Shqipëri vetëm 4% pohuan se kanë përdorur ChatGPT. Kosova dhe Maqedonia e Veriut kishin përqindjen më të lartë të qytetarëve përdorues të Inteligjencës Artificiale me 20 dhe 13% secila. Në të kundërt të Shqipërisë, qytetarët e Kosovës ishin përdoruesit më të mëdhenj të Inteligjencës Artificiale në Rajon.

Në Malin e Zi rreth 7% e popullsisë e përdorin Inteligjencën Artificiale dhe në Serbi, 6%.

Gjithashtu Shqipëria ka përqindjen më të ulët të qytetarëve që blejnë mallra dhe shërbime online. Sipas anketës në vitin 2024, vetëm 27% e qytetarëve shqiptarë kishin kryer blerje online përkundrejt 36% që ishte mesatarja rajonale.

Në të kundërt kryeson Kosova, ku 44% e qytetarëve të saj kanë deklaruar se kanë kryer blerje online 12 muajt e fundit. Gjithashtu në Bosnjë 38% e qytetarëve kanë deklaruar se kanë kryer blerje online dhe 37% e qytetarëve në Maqedoninë e Veriut.

Në nivele pak më ulëta ishin Mali i Zi dhe Serbia ku përkatësisht 32 dhe 35% deklaruan se kishin kryer blerje nga interneti.

Shqipëria gjithashtu kishte përqindjen më të ulët të qytetarëve që ndjekin Netflix (Një sipërmarrje amerikane që ofron transmetime kryesisht filma dhe video sipas kërkesës, me mbi 277.7 milionë abonime me pagesë në më shumë se 190 shteteve në korrik 2024).

Anketa ka gjetur se 12% qytetarëve shqiptarë e shikojnë Netflix, përqindja më e ulët në Rajon. Në të kundërt Kosova kishte përqindjen më të lartë në rajon me 38% e të anketuarve që ndjekin transmetuesin e amerikan të filmave dhe videove me pagesë.

Pas Kosovës, Netflix ka shikueshmëri të lartë në Malin e Zi ku 25% e qytetarëve e ndjekin këtë rrjet, të ndjekur nga boshnjakët 20% dhe maqedonasit me 17%. Gjithashtu Serbia ka shikueshmëri të ulët të këtij rrjeti, me vetëm 14%.

Në përgjithësi qytetarët e Shqipërisë kanë treguar një familjaritet të ulët me shërbimet dixhitale, përveç, shërbimeve qeveritare që siç tregon anketa jemi përdoruesit më të mëdhenj në rajon për shkak se shumë prej tyre ofrohen online.

Mediat botërore raportojnë se vonë të shtunën në mbrëmje dhe herët në mëngjesin e së dielës, u shfaqën probleme që shkaktuan rënien nga funksioni i aplikacionit Google.

Problemi shfaqet për disa përdorues në platformën Android, sapo hapet aplikacioni, transmeton Telegrafi.

Deri më tani, Google nuk ka komentuar për këtë problem.

Kutia e kërkimit e Chrome ende funksionon, ndërsa përdoruesit në Reddit këshillohen të çinstalojnë të gjitha përditësimet e aplikacionit Google për të zgjidhur përkohësisht problemin.

Apple prezantoi serinë më të fundit të telefonave iPhone 16 që vijnë me softuerin iOS 18 të ‘parainstaluar’, por jo të gjithë iPhone-ët janë kompakt me këtë platformë.

Kur të lansohet zyrtarisht më 16 shtator, iOS 18 do të jetë i disponueshëm si një përmirësim falas për iPhone kompakt, transmeton Telegrafi.

Megjithatë, jo të gjitha modelet e iPhone do të jenë në gjendje të ekzekutojnë iOS 18, madje edhe ato që munden nuk do të marrin të gjitha funksionet e ofruara nga shërbimi i ri Apple Intelligence.

Lajmi i mirë është se nëse keni pasur një telefon kompakt vitin e kaluar, kur keni përditësuar në iOS 17, ajo pajisje duhet të jetë gjithashtu kompakte me iOS 18, sipas Apple.

Lista e modeleve të iPhone, të cilat janë kompakte me softuerin iOS 18:

iPhone SE (gjenerata e dytë ose më i ri)

iPhone XR

iPhone XS

iPhone XS Max

iPhone 11

iPhone 11 Pro

iPhone 11 Pro Max

iPhone 12

iPhone 12 mini

iPhone 12 Pro

iPhone 12 Pro Max

iPhone 13

iPhone 13 mini

iPhone 13 Pro

iPhone 13 Pro Max

iPhone 14

iPhone 14 Plus

iPhone 14 Pro

iPhone 14 Pro Max

iPhone 15

iPhone 15 Plus

iPhone 15 Pro

iPhone 15 Pro Max

iPhone 16

iPhone 16 Plus

iPhone 16 Pro

iPhone 16 Pro Max

Me fjalë të tjera, nëse keni një iPhone të vitit 2017 ose një model më të hershëm (iPhone 8 ose iPhone X), nuk do të jeni në gjendje të përmirësoni në iOS të fundit, por telefoni juaj do të vazhdojë të funksionojë (pa veçoritë më të fundit).

Duke kërkuar për të parandaluar që përdoruesit e YouTube të mashtrohen për të besuar se përmbajtja e krijuar nga AI është reale, Google dhe YouTube po zhvillojnë mjete që do t’i lejojnë krijuesit e përmbajtjes të alarmohen shpejt kur fytyrat dhe zërat e tyre përdoren nga AI.

Amjad Hanif, zëvendëspresident i produkteve në YouTube, sapo ka informuar për mjetet e reja që aplikacioni do të përdorë për të mbrojtur krijuesit e tij.

Teknologjia brenda YouTubes do t’i lejojë partnerët e transmetuesit të zbulojnë dhe menaxhojnë përmbajtjen e AI që simulon zërat e tyre, shkruajnë mediat e huaja, përcjell Telegrafi.

Bëhet e ditur se kjo veçori mund të përdoret në fillim të vitit të ardhshëm.

Së bashku me përditësimet e fundit të privatësisë, kjo do të krijojë një grup të fuqishëm mjetesh për të menaxhuar mënyrën se si AI përdoret për të përshkruar njerëzit në YouTube.

Hanif vëren se përmbajtja e ngarkuar në YouTube përdoret për të “përmirësuar përvojën e produktit për krijuesit dhe shikuesit në YouTube dhe Google, duke përfshirë përmes mësimit të makinerive dhe aplikacioneve të AI”.

Google nuk dha informacione nëse ky funksionalitet është bërë i disponueshëm apo kur do të bëhet në të ardhmen.

Google Play tashmë mund të shkarkojë, instalojë dhe përditësojë disa aplikacione Android njëherazi. Më përpara, Play Store mund të përpunonte vetëm një aplikacion në të njëjtën kohë ndërsa tani mund ta bëjë me tre aplikacione.

Google ka testuar këtë lloj përditësimi në Play Store në të kaluarën, konkretisht në 2019-ën dhe së fundi në Mars të këtij viti. Tani siç duket kompania është gati ta lançojë duke ju kursyer përdoruesve kohë gjatë konfigurimi të telefonëve të ri apo rikthimit të një kopjeje rezervë.

Apple gjithashtu ka ofruar mbështetje për instalimin e tre aplikacioneve iOS të të njëjtën kohë nga App Store.

Google nuk dha informacione nëse ky funksionalitet është bërë i disponueshëm apo kur do të bëhet në të ardhmen. Ju mund ta provoni të përditësimin manualisht aplikacionet për të parë nëse funksionon.

Kompania tha se rezultatet e pritshme nuk ishin shfaqur për shkak të diferencave në ambientet testuese mes AMD dhe analistëve por me një përditësim të ardhshëm në Windows 11, rezultatet e premtuara do të shfaqeshin.

Lançimi i serive Ryzen 9000 u prit me entuziazëm të lartë por kur mbërritën shumë adhurues të video lojërave u zhgënjyen. Vlerësimet e para të procesorëve nuk tregun përmirësime e premtuara të performancës krahasuar me gjeneratën e kaluar nga AMD.

Kompania tha se rezultatet e pritshme nuk ishin shfaqur për shkak të diferencave në ambientet testuese mes AMD dhe analistëve por me një përditësim të ardhshëm në Windows 11, rezultatet e premtuara do të shfaqeshin.

Përditësimi 24H2 i Windows 11-ës tashmë është në kanalet testuese Windows Insider dhe përdoruesit mund ta instalojë prej sot. Kanali shumë popullor në YouTube i testimit të harduerëve Hardware Unboxed vendosi Ryzen 7 9700X dhe Ryzen 7 7700X përballë njëri-tjetrit duke krahasuar rezultatet mes versioneve të ndryshme të Windows.

Shkurtimisht rritja e performancës gaming me Windows 11 24H2 është e konsiderueshme për të dy çipet Ryzen. Sipas Hardware Unboxed, kjo rritje është rreth 10 përqind në 40 lojëra të testuara në Ryzen 9000 ndërsa disa titujt kishin rritje edhe me 20 përqind apo 30 përqind.ë

Nga ana tjetër disa tituj si Counter-Strike 2 u rritën me vetëm 2 përqind. Më poshtë gjeni videon e plotë të analizës së Hardware Unboxed. Sipas AMD-së diferencat që kompania postoi kur lançoi Ryzen 9000 nuk u materializuan për analistët sepse kompania ka bërë testimet në modalitetin “Super Admin” i cili kishte qasje në funksione që përfitonin nga arkitektura Zen 5 e AMD.

Windows 11 24H2 duhet tu japë harduerëve bazuar në Ryzen 9000 qasje në funksionet e avancuara të arkitekturës së re.

Microsoft vazhdon të testojë dhe shtojë veçori të reja në Windows, por gjithashtu mbyll veçoritë që i konsideron të panevojshme.

Karakteristika më e fundit që do t’i shtohet listës së vjetruar është Paneli i Kontrollit të Windows, i cili i bashkohet aplikacionit Paint 3D të “dal në pension”.

Paneli i Kontrollit të Windows ka qenë në listën e mbylljes së Microsoft për disa kohë, dhe raportet e para për këtë filluan të shfaqen në vitin 2011.

Microsoft më pas planifikoi të zëvendësonte Panelin e Kontrollit me një opsion “Cilësimet e PC” dhe kjo veçori kishte opsione kontrolli me prekje.

Tani, si pjesë e një faqeje të re mbështetëse për mjete të ndryshme të Windows, Microsoft ka njoftuar se Paneli i Kontrollit është në proces të zhvlerësimit dhe do të zëvendësohet nga aplikacioni Settings.

Për më tepër, kompania thotë se ka disa arsye përputhshmërie pse aplikacioni më i vjetër ekziston ende, por përdoruesit inkurajohen të përdorin aplikacionin Cilësimet sa herë që munden.

Paneli i Kontrollit u prezantua për herë të parë në versionin Windows 1.0 në 1985.

Google po e bën më të lehtë për të qëndruar në kontakt me thirrjet në Google Meet të cilët lehtësisht mund të humbasin në mesin e një lumi tabesh sidomos nëse jeni në Chrome.

Kompania po lançon një funksionalitet që automatikisht hap një dritare pluskuese (picture-in-picture) të video thirrjet kur largoheni nga tabi ku po bëhet thirrja.

Siç tregon edhe imazhi GIF ku klikon jashtë një thirrjeje Google Meet, dritarja do të shfaqet në cepin e ekranit mbi dritaret e aplikacioneve tjera.

Imagjinoni dobinë e këtij funksionaliteti sidomos nëse keni të hapur një dokument gjatë një thirrjeje në Google Meet.

Ky opsion fatmirësisht nuk do të jetë i lidhur vetëm me llogaritë me pagesë.

Google thotë se është i disponueshëm për të gjithë llogaritë Google Workspace po edhe ato me llogari personale.

Përdoruesit mund ta aktivizojnë manualisht funksionalitetin gjatë një thirrjeje nëse dëshirojnë.

Ju mund të hyni në aplikacion edhe pa u kyçur në llogarinë tuaj. Historia e Microsoft me Teams është një mesele e vërtetë.

Microsoft më në fund është duke lançuar një aplikacion të vetëm të unifikuar të Teams ku përdoruesit mund të kalojnë nga llogaritë personale në ato të punës.

Aplikacioni i ri ka qenë në testim gjatë vitit dhe Microsoft është gati ta lançojë për përdoruesit e Windows dhe Mac ditën e sotme.

Jo vetëm që mbështet llogaritë e punës, personale dhe të institucioneve arsimore, por gjithashtu përmirëson eksperiencën e kalimit mes serverëve të ndryshëm të Teams.

Ju mund të hyni në aplikacion edhe pa u kyçur në llogarinë tuaj. Historia e Microsoft me Teams është një mesele e vërtetë.

Windows 11-ta fillimisht e integroi Teams në Taskbar por aplikacioni funksiononte vetëm për llogaritë personale. Më pas Microsoft hoqi këtë integrim nga Windows 11 duke lënë përdoruesit për zgjedhjes së instalimit të dy aplikacioneve të ndryshme për llogaritë personale dhe të punës.

Lançimi i versionit të duhur ishte gjithmonë një bezdi e madhe për përdoruesit. Tashmë kjo situatë po merr fund dhe ju mund të shikoni llogaritë personale dhe të punës në një aplikacion.